Dili-06/03/2025-Média Defisiensia,
Konsellu Imprensa kooperasaun ho ABCID Internasionál Austrália fasilita
formasaun ba jornalista sira hodi bele prepara no asegura aan iha online.

Prezidente
KI Otélio Ote hatete, apresia no agradese tebes  ba ABCID Internasionál Austrália bele iha
inisiativu hodi fó formasaun ne’e ba jornalista sira, espesiál kona-ba oinsá
útiliza média sosiál ho seguru.

“Ita
halo tiha ona kooperasaun ho ABCID Internasionál Austrália dezde Jullu 2023
hahú kedas formasaun ida iha Balibó to’o agora ita bele dehan ita boot sira
influensiadu ona ho matéria sira ne’ebé ABCID oferese”, Dehan Prezidente KI, iha
Manleuana City 8, 04/03.

Prezidente
hatutan tan, kuaze organizasaun rua ne’e oferese sira nia material, matenek no rekursu
tomak ba Timor-Leste atu bele dezenvolve média iha rai-laran.

“Ha’u
hanoin ita boot sira ohin barak liu seidauk partisipa formasaun sira ne’e husi
ABC Internasionál Austrália ne’ebé agradese ba ita boot sira bele komesa
partisipa ona iha formasaun ne’e. Ita boot sira hatene sei iha hela kondisaun
mínimu média ida ne’ebé ho performa kualidade seidauk di’ak iha sudeste
aziatiku. Presiza nafatin eleva ita nia kapasidade, se ita boot sira hatene kompeténsia
ida mak eleva kapasidade téknika, profisionál no kualidade. Bainhira ita
profisaun jornalista ita nia maneira, ita nia kualidade linguajen, ita nia lia
loos iha aprejentasaun matéria tenke rigor,” Prezidente KI Konklui.

Iha
Fatin hanesan Manager ABCID Fiona Churchman hatete, formasaun ne’e parte ida
husi servisu hamutuk ho KI nian no fó formasaun barak ona hamutuk ho sira. Atividade
ne’e suporta husi DFAT Australia nia Governu ho estratezia indo pasifiku nian. Programa
atu ajuda jornalista Timor oan sira nia abilidade jornalismu nian.

“Ita
hatene velosidade internét ne’ebé atu aumenta aas liu tan, entaun jornalista
Timor oan sira bele preparadu atu  asegura sira nia aan iha online. Internet
nia velosidade atu halo lalais dala ruma halo jornalista sira la seguru iha
sosial média entaun ho formasaun ne’e halo sira preparadu no dala ruma ameasa
ne’ebé akontese ba jornalista sira iha online”, Akresenta Manager ABCID.

 Entretantu, formasaun tolu kona-ba seguransa
online nian depois formasaun kona-ba jornalista sira liuliu plataforma dizital.
Papél jornalista Timor oan iha preprasaun ne’ebé di’ak molok velosidade internét
aumenta no proteze aan iha média sosial.

Jornalista : Aselmo Martins

Editor       :
Média RKDTL