Dili-27/11/2025-Média Defisiensia, Proklamasaun IndependéUnilaterál ba dala 50 Ema ho Defisiensia mos sei involve iha isár Bandeira Nasionál ba iha tinan ne’e tuir polítika IX Governu nian. Ida ne’e sai hanesan pasu úniku ida ba Timor Leste ida ne’ebé Inkluzivu.
Iha intervista Jerente Programa Asosiasaun Defisiensia Timor-Leste (ADTL) Rosalia Teresa Pereira hatete, apresia ba polítika IX Governu nian ne’ebé bele involve Eh Dba iha Isár Bandeira Tinan ne’e hodi hatudu ba públiku tomak katak ema ho defisiensia sira mos bele, no tuir Promesa ne’ebé mak Primeiru Ministru hato’o iha Aileu Suku Seloi Kraik Sarlala.
“Primeiru ADTL hanesan sumbrina ba Organizasaun Defisiensia sira ne’ebé servisu no tau matan ba ema ho defisiensia iha TL, sente orgullu tebes ba polítika IX Governu nian, ida ne’e hanesan komprimisiu exelensia Primeiru Ministru Kay Rala Xanana Gustmão (Avo Nana) iha dia 30 de agostu foin lalais ne’e, iha Aileu ne’ebé maka hatete katak sei fo oportunidade ba ema ho Defisiensia hodi isár Bnadeira hodi komemora loron proklamasaun independensia unilateral bad ala 50, liu-liu ema ho Defisiensia bele involve iha ekipa isár Bandeira nian, polítika ida ne’e nu’udar pasu foun id aba ema ho defisiensia atu bele hatudu kapasidade iha eventu hotu-hotu hodi kontribui ba dezenvolvimentu nasionál, hanesan ita hotu hatene katak, ema mai ho hanoin, ema mai katak ema ho defisiensia la bele halo buat ida, ema ho defisiensia sira. Ida ne’e hanesan pasu importante ida ba ema hotu liu-liu bele muda bele inklui bele involve prosesu hotu-hotu, importante fo oportunidade,” dehan Rosalia ba Média Defisiensia 27/11.
Enkuantu nia husu ba Governu ne’ebé tuir mai tenki banati tuir ezemplu ne’ebé IX Governu hatudu hela.
Governu bad ala uluk iha istória korpu isár Bandeira nível nasionál deside involve ema ho defisiensia nudar onra ida hodi hatudu katak polítika inkluzaun sei la husi ema ida hela iha kotuk.
Jornalista : Alex
Editór : Média Defisiensia
