Dili 24/03/2026-Asosiasaun Defisiensia, Timor-Leste (sigla ADTL) fasilita formasaun polítika Protesaun Labarik, prevensaun esplorasaun sexual Abusu ka arasment (PSEAH) no polítika Anti Fraude, intergridade no organzasaun ba membru Ong Sira.
Iha intervista Direitur Ezekutivu ADTL Cesario da Silva hatete, Formasaun ne’e Realiza iha Salaun Dom Bosco Comoro Segunda ne’e ba membru organizasaun sira atu bele eleva kapasidade oinsa bele implementa polítika salva guarda hodi proteze benefisiariu no garante integridade organizasaun nian.
“ADTL hanesan organizasaun sumbrina ba organizasaun hotu-hotu ne’ebe servisu hodi tau matan ba ema ho defisiénsia, nia papel mak atu haforsa membru sira tanba ne’e mak ohin halo formasaun ba memru sira durante loron rua primeiru fokus liu ba polítika salvaguarda liu-liu atu haforsa organizasaun sira-nia polítika kona-ba polítika protesaun labarik sira SH kona-ba anti fraude situasaun sira ne’e intensaun atu haforsa organizasaun sira nia politika entermu atu hatudu katak organizasaun iha kapasidade ida forte lo’os”, dehan Diretor Ezekutiva ADTL Cesário da Silva hafoin remadade sesaun dader iha Salaun Dom Bosco Comoro Dili Segunda ne’e, 23/03.
Ezekutiva ne’e akresenta sei kontinua formasaun advokasia nian ne’ebe sei liga liu ba iha planu asaun nasional no konvensaun ONU direitu ema ho defisiensia tanba organizasaun ADTL nia membru hotu-hotu halo servisu monitorizasaun, implementasaun, planu asaun nasional konvensaun direitu ema ho defisiensia, ba trimestral ADTL nian hanesan normas ne’ebe regular enkontru kada fulan 3 sira hasoru malu hodi partila ba malu saida mak membru ida-idak halo no liu husi lisaun ne’ebe partila ba malu atu bele sai hanesan asaun konjunta ba iha advoka hamutuk , loron ikus ba loron 4 nian halo workshop nasional sei orienta liu husi protesaun direitu ema ho defisiensia fortalesementu protesaun ba ema ho defisiensia hau hanoin intensaun espesial liu mak atu halo diskusaun atu iha lei protesaun direitu ba ema ho defisiensia.
Diretora Klibur Defisiensia Tilun Timor leste, KDT-TL Cresensia Madeira de Jesus hateten ohin loron laos ona aprende kona ba dokumentu no polítika maibe aprende oinsa responsabilidade.
“Ohin loron ita laos deit aprende dokumentu ka p;olitika sira , ita mai hametin responsabilidade moral no profisional iha ita nia organizasaun”, dehan Jerente KDT-TL ne’e Iha Deskursu Abertura.
Formasaun durante loron 4 ba membru organizasaun 28 ho material hanesan , Polítika Salva Guarda oinsa Proteze Benefisiáriu no garante Integridade Organizasaun, hakbi’it kolaborasaun membru organizasaun atu promove direitu inkluzaun ba ema ho defisiensia, importansia planu asaun nasional ba defisiénsia no konvensaun CRPD , inklui seminar ho tema fortalesementu protesaun direitu ema ho defisiensia liu husi lei espesifiksu.
Jornalista: Acy/Anselmo
Editor : Media Defisiensia
