Dili-14/04/2025-Média
Defisiensia, Asosiasaun
Defisiensia Timor-Leste, konklui kolokiu ba Media sira, relasiona ho média
sai transformadór ba lian Ema ho Defisiensia sira iha rai-laran.

Tuir Diretor Jeral SECOMS, Florindo da Costa hatete, ohin halo abertura
ba atividade importante ba média sira atu sai lian ba Ema ho Defisiensia iha
Timor-Leste, iha faze dezenvolvimentu ne’ebé la’o dadaun média sira tau
atensaun ba ema ho defisiensia sira, liuhusi kobertura hodi fó sai informasaun
ba públiku iha média imprime no eletroniku.

“Ita iha fase ida dezemvolvimentu ne’ebé ita la’o hela
média sira fó duni atensaun ba iha ema ho defisiénsia sira haree katak sira ba
halo kovertura ba sira ne’ebé ita sempre haree notisia sira iha jornais,
televisaun ida ne’e diak atu promove no mós ba atividade ba ema ho defisiénsia
sira nian atu sira bele sente katak sira mós hola parte ba sosiedade ida ne’ebé
hanesan ho ema sira seluk, husi parte Governu asegura nafatin hodi fó
asistensia ba média sira apoiu nafatin ba média sira iha kapasitasaun téknika inklui
mós jestaun finanseiru balu ne’ebé maka estebele fó apoiu hau senti katak kolokiu
ida ne’e importante tebes atu promove atividade ba ema defisiésia sira atu
nune’e fó hanoin ba publiku sira. Hau espera ativividade sira ne’e importante
halo diskusaun diak hodi rona mos ema ho defisiensia sira nia lian, sira nia
hanoin sira mak hatene liu saida mak sira presiza hadia no oinsa mak bele
asegura sira nia direitu sira mak hatene liu, liu husi media sira fó sai ba
públiku sira bele hatene informasaun kona-ba EhD sira nian”, Dehan DJ SECOMS
Florindo iha salaun ADTL, 11/04.

Iha fatin hanesan Diretor Ezekutivu ADTL, Cesario da
Silva esplika, atividade kolokiu ne’e husi parte média nia no sira atu dezafia
malu relasiona ho servisu  hamutuk
ba iha imunizasaun difisiensia  iha Timor-leste.
Tanba papél media nian importante loos transforma
informasaun ba sosiedade atu labele uza linguajem sira ne’ebé la dignu ba ema
ho difisiensia.

“Primeiru
ita atu  dejafia malu atu bele halo
servisu hamutuk ba iha imunizasaun difisiensia Timor-leste no segundu hau
hanoin ita boot sira nia papel importante loos relasiona ema ho difisiensia iha
existensia iha ita  nia sosiedade ita
hotu hatene balu bolu barak liu hetan atendimentu la dignu no la iha oportunidade
inklui ema públiku barak uza linguajem sira ne’ebé la dignu ba ema ho difisiensia.
Entau ita boot sira nia papél importante loos transforma informasaun ne’e ba iha
sosiedade porezemplu atu ema labele uza linguajem porzemplu invalides. Ema ho
defisiensia lakoi atu ema bolu nia invalides entaun atu labele bolu ida ne’e
ita boot sira mak kontinua atu hatene ema ho difisiensia la’os invalides, ema
barak liu haree ema nia kondisaun sira nia defisiensia entaun ita boot sira mós
tenki hato’o, hatudu ba públiku hatudu abilidade ema nian laos ema nia
difisiensia de’it. Ita hakarak ema ho difisiensia hanesan sosiedade ba rai ne’e
liu liu ita haree husi direitus umanus, ita hotu hanesan ho situasaun ida ne’e.
Kolokiu ida ne’e dezafiu prinsipal atu fahe ba malu saida mak asosiasaun nian
orientasaun hakarak ba oin ema ho defisiensia no saida mak média halo ona ba
ema ho defisiensia autoriza malu no kontinua ba oin atu asegura inkluzaun ne’e
akontese ba bebeik”, Akresenta Diretor ADTL.

Diretor
ADTL afirma tan, mudansa barak, hatudu entermus transforma halo mudansa ba
pensamentu públiku nian, agora ema hotu fó atensaun ba ema ho difisiensia tanba
ita hotu servisu hamutuk liuliu servisu iha advokasia. Ita boot sira nia
servisu advokasia divulga informasaun sira barak liu, komparasaun uluk ema ho
difisiensia subar ann barak liu familia inan aman sira lahatene, subar oan ho
defisiensia barak liu. Ho publikasaun servisu ita boot sira nian ema hatene ona
oportunidade sira iha ne’e liuliu ba ema 
ho difisiensia.

Tuir  Konsilleira Konsellu Imprensa Isabel M. F. de
Jesus, dehan papél média importante hodi fó sai informasaun ligadu ho jornalista
nian, ba iha sira nia formatura, sira nia komunikasaun diaria, ida ne’e halo
mudansa ba iha sosidade, no husi konsellu impresa nia haree durante ne’e
servisu husi meiu komunikasaun sosial la’o diak tebes, tanba la’o duni tuir
kurikulu no etika ne’ebé mak iha.

“Hau
hanoin papél média importante ohin iha kolokiu ida ne’e husi Asosiasaun
Difisiensia Timor-Leste, sira foti topiku ida katak média sai hanesan ajente
transformadór hanoin katak servisu husi média nian, liuliu belum jornalista ba
iha sira nia formatura, sira nia komunikasaun diaria, halo mudansa ba iha
sosidade. Entaun husi Konsellu Impresa nia haree, durante ne’e servisu husi
meio komunikasaun sosial nian la’o diak tebes, no sira lao tuir kurikulu etika
ne’ebé iha. Tanba saida maka ita hatete média sai hanesan transformadór, media
mak bele halo mudansa ba iha sosiedade. Mudansa sosiedade ne’e liuhusi saida
husi sira nia servisu lorloron oinsa mak ita bele halo, bele muda pensamentu
sosiedade sira nian kona-ba prezensa no prioridade ba atendimentu ema ho
difisiensia sira, no sira seluk ne’ebé la hetan di’ak iha mundu”, Tenik Konsilleira
KI.

Entretantu,
atividade kolokiu ne’e partisipa husi Diretor Jeral SEKOMS, Konsilleira KI, Ema
Ho Defisiensia no Jornalista sira husi Jornal, Média Online, Radio no
Televizaun. Depois remata kolokiu ba media sira  ADTL distribui Sertifikadu ba partisipante sira husi media ida-idak. 

Jornalista  : Geraldino no Elo (Estajiadu)

Editor   :  Média RKDTL