Dili-07/04/2025-Midia
Defisiensia,
Autoridade Protesaun Sivil no CNOPC iha loron 31 fulan Março too 07 fulan Abril
tinan ne’e, durante semana ida rejistu familia uma-ka’in hamutuk 13 hetan
estragus husi dezastre, ne’ebé akontese iha munisipiu Neen (6).
Xefe Relasaun Externa no Komunikasaun APC, Nelson de
Jesus Orleans afirma, durante akontesementu dezastre iha munisipiu 6, APC
registu uma latama kriteria apoiu deit emerjensia uma 8, no uma ne’ebé priense kriteria
ka afetadu hamutuk 5, nune’e APC munisipiu apoiu kedas emerjensia ba vitima
sira ne’ebé hetan dezastre.
“Durante semana ida nia laran iha munisipiu 6
Autoridade Protesaun Sivil, rejistu xefi familia uma-ka’in hamutuk 13 hetan
estragus, husi dezastre naturais ne’ebe akontese ba ema afetadu 105 no ema
evakua 32”, Dehan Xefe Relasaun Externa APC iha Salaun Konferensia APC
Kaikoli, 07/04.
Xefe Relasaun Externa hatutan, iha munisipiu 6 mak APC
registu uma 13 ne’ebé hetan estragus husi, anin sobu 5, ahi han 5 no Bee sa’e 9,
hahu fulan Março iha loron 31 to’o 07 fulan abril, uma hetan estragus husi
dezastre ne’ebé akontese durante semana ida.
“Munisipiu
Neen ne’ebé hetan estragus hanesa Munisipiu, Bobonaro, Postu Maliana Suku Lahomea, Aldeia Maliana iha
loron 01/04/2025 akontese Anin bo’ot halo ai tohar hanehan komunidade nia uma 1
no latama kategoria maíbe hetan deit apoio Emergensia. Iha loron 03 April 2025,
iha horas tuku 2 minutu 45 Suco Ritabou Aldeia Timata akontese Vitima ho naran
Eduarda Lopes Maia Lakon Vida (Mate), Kronologia ba akontesementu ida ne’e tuir
APA Municipiu Bobonaro katak Vitima sai Eskola ba haris iha mota mak mout iha
Bee Laran. Postu Cailaco, Suku Meligo, Aldeia Mude iha loron 04/04/2025
akontese Ahi han komunidade nia uma 1, kategoria total, vitima evakua ba
familia nia uma. Baucau, Vila Postu
Baucau, Suku Seiçal, Aldeia Aque iha loron 01/04/2025 akontese Anin bo’ot
estraga komunidade nia uma 1 no latema kategoria mabe hetan deit apoio
emergensia. Liquisa, Vila Postu Liquisa, Suku Maumeta, Aldeia Puke Manaru iha
loron 03/04/2025 akontese Ahi han komunidade nia Dapur 1 no latama kategoria
mabe hetan deit apoio emergensia. Postu Loes, Suku Guiço, Aldeia Vatu veiiha
loron 03/04/2025 akontese Anin boot estraga komunidade nia uma 1, kategoria at
naton, Lautem, Postu Iliomar, Suku iliomar 1, Aldeia iliomar, iha loron
04/04/2025 akontese Ahi han komunidade nia Dapur 1 no latama kategoria mabe
hetan deit apoio Emergensia. Suku Iliomar, Aldeia Caintau, iha loron 04/04/2025
akontese Ahi han komunidade nia 1 no tama kategoria a’at total. RAEOA, Postu
Pante Makasar, Suku Naimeco, Aldeia Noke, iha loron 28/03/2025 akontese be’e
sae komunidade nia uma 1 apoiu darurat deit. Suku Banoco, Aldeia Lalisuc, iha
loron 28/03/2025 akontese Bee sae komunidade nia uma 4 apoiu emergensia. Suku
Costa, Aldeia Xanane, iha loron 28/03/2025 akontese be’e sae komunidade nia uma
4 apoiu emerjensia deit. Postu Passabe, Suku Abani, Aldeia Passab, iha loron
28/03/2025 akontese Anin Sobu komunidade nia uma 1 apoio darurat deit.
Viqueque, Postu Uatolari, Suku Matahoi, Aldeia Iraler, iha loron 02/04/2025
akontese Ahi han komunidade nia uma 1 kategoria a’at total nomos evakua ba hela
iha sira nia uma adat. Postu Uatocarbau, Suku Uani-uma, Aldeia Ossomali, iha
loron 02/04/2025 akontese Anin sobu komunidade nia uma 1 kategoria a’at naton
nomos evakua ba hela iha sira nia familia”, Tenik Xefe Relasaun Externa no Komunikasaun APC.
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira, iha
munisipiu ida-idak apoiu ai-han no laos aihan, komandu operasional Autoridade
Protesaun Sivil iha munisipiu sira sei,
kontinua halo levantamentu dadus ba uma-ka’in ne’ebé hetan estragus makas, no
uma kain ne’ebé hetan estragus naton, bele hetan apoiu iha faze tuir mai.
Jornalista :
Geraldino Magno
Editor : Média RKDTL
