Dili-24/03/2025-Midia Defisiensia, Autoridade Protesaun Sivil no CNOPC iha loron 17 too 24 fulan Março tinan ne’e, durante semana ida rejistu familia uma-ka’in hamutuk 95 hetan estragus husi dezastre, ne’ebé akontese iha munisipiu Sia (9).
Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu Sia, APC registu uma latama kriteria apoiu deit emerjensia uma 55, no uma ne’ebé priense kriteria ka afetadu hamutuk 40, nune’e APC munisipiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha munisipiu 9 Autoridade Protesaun Sivil, rejistu xefi familia uma-ka’in hamutuk 95 hetan estragus, husi dezastre naturais ne’ebe akontese ba ema afetadu 437 no ema evakua 160”, Dehan Xefe Relasaun Externa APC iha Salaun Konferensia APC Kaikoli, 24/03.
Xefe Relasaun Externa hatutan, iha munisipiu 9 mak APC registu uma 40 ne’ebé hetan estragus husi, anin sobu 21, ahi han 7 no Rai halai sobu uma 36, hahu fulan Marc iha loron 17 to’o 24 uma hetan estragus husi dezastre ne’ebé akontese durante semana ida nia laran.
“Munisipiu Sia ne’ebé hetan estragus hanesa Municipiu Ainaro, Posto Maubisse iha loron 15/03/2025 akontese be’e sae estraga komunidade nia uma 3 no akontese rai halai estraga komunidade nia uma 1. Municipiu Bobonaro, Posto Bobonaro, iha loron 18/03/2025 akontese Rai halai komunidade nia uma 1, Municipiu Covalima, Posto Fatumea, loron 19/03/2025 akontese rai halai no estraga komunidade nia uma 32 maibe uma 20 mak tama kategoría no 12 hetan deit apoiu emerjensia tanba hela hamutuk. Municipiu Dili, Postu Vera Cruz, loron 17/03/2025 akontese be’e sae estraga komunidade nia uma 1, apoiu emergensia. Municipiu Ermera, Posto Ermera, iha loron 01/01/2025 akontese anin estraga komunidade nia uma 1, Rai lakan, iha loron 09/01/2025 akontese rai halai estraga komunidade nia uma 1, Rai lakan no akontese anin estraga komunidade nia uma 1, iha loron 11/01/2025 akontese anin estraga komunidade nia uma 1, loron 09/02/2025 akontese anin estraga komunidade nia uma 2 no loron 05/01/2025 akontese anin estraga komunidade nia uma 1. Posto Railako iha loron 9/03/2025 akontese anin estraga komunidade nia uma 1 apoiu emergensia, iha loron 2/03/2025 akontese anin estraga komunidade nia uma 1 apoiu emergensia de’it, iha loron 4/03/2025 akontese anin estraga komunidade nia uma 1 apoiu emergensia, iha loron 8/03/2025 akontese be’e sae estraga komunidade nia uma 1 no loron 14/03/2025 akontese anin sobu komunidade nia uma 1, no tama kategoria a’at kaman nomos evakua ba familia sira nia uma. Municipiu Lautem, Postu Lautem, loron 17/03/2025 akontese ahi han komunidade nia uma 1. Municipiu Manufahi, Postu Same, loron 10/01/2025 akontese Anin Sobu komunidade nia uma 1. no kategoria a’at kaman nomos familia afetadu sira evakua ba vijinho nia uma, loron 15/01/2025 akontese ahi han komunidade nia uma 1. no kategoria a’at total nomos familia afetadu sira evakua ba família balu nia uma no loron 18/03/2025 akontese ahi han uma adat 1 Maibe apoio deit emerjensia tamba ema hela iha uma adat. RAEOA, Sub Região Pante Makasar, loron 04/01/2025 akontese be’e sae estraga komunidade nia uma 2 maibe hetan deit apoiu emerjensia tanba latama kategoria, loron 22/01/2025 akontese be’e sae estraga komunidade nia uma 2 maibe hetan deit apoiu emerjensia tamba latama kategoria. Iha loron 22/01/2025 akontese be’e sae estraga komunidade nia uma 1 apoiu emerjensia. Loron 03/03/2025 akontese Anin Sobu komunidade nia uma 1 apoiu emerjensia. Loron 09/01/2025 akontese Anin Sobu komunidade nia uma 1 att total. Iha loron 22/01/2025 akontese be’e sae estraga komunidade nia uma 1 apoiu emerjensia. Loron 14/01/2025 akontese ahi han komunidade nia uma 1 A’at total. Iha loron 22/01/2025 akontese be’e sae estraga komunidade nia uma 10 apoiiu emerjensia no 1 rai halai A’at kaman. Iha loron 09/03/2025 akontese ahi han komunidade nia uma 2, uma 1 apoiu emerjensia no uma 1 att total. Loron 12/03/2025 akontese anin sobu komunidade nia uma 1 apoiu emerjensia, loron 15/01/2025 akontese anin sobu komunidade nia uma 1 att total, loron 18/01/2025 akontese ahi han komunidade nia uma 1 att total. Sub Região Nitibe, loron 07/02/2025 akontese Anin Sobu komunidade nia uma 1 apoiu emerjensia. Iha loron 10/02/2025 akontese Anin Sobu komunidade nia uma 1 att Kaman, loron 10/02/2025 akontese Anin Sobu komunidade nia uma 1 apoiu emerjensia, loron 22/01/2025 akontese be’e sae estraga komunidade nia uma 1 apoiu emerjensia, iha loron 11/02/2025 akontese Anin Sobu komunidade nia uma 1 apoiu emerjensia. Sub Região Oesilo iha loron 04/01/2025 akontese be’e sae estraga komunidade nia uma 1 apoiu emerjensia. Iha loron 22/01/2025 akontese be’e sae estraga komunidade nia uma 2 apoiu emerjensia, loron 26/01/2025 akontese be’e sae estraga komunidade nia uma 6 apoiu emerjensia tamba latama kategoria no loron 22/02/2025 akontese anin sobu komunidade nia uma 1 apoiu emerjensia no Municipiu Viqueque, Postu Viqueque, iha loron 18/03/2025 akontese Anin Sobu komunidade nia uma 1 no tama kategoria a’at naton nomos evakua ba banin sira nia uma”, Tenik Xefe Nelson.
Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no laos aihan, komandu operasional Autoridade Protesaun Sivil iha munisipiu sira sei, kontinua halo levantamentu dadus ba uma-ka’in ne’ebé hetan estragus makas, no uma kain ne’ebé hetan estragus naton, bele hetan apoiu iha faze tuir mai.
Jornalista : Geraldino Magno
Editor : Média RKDTL
