Dili-14/04/2025-Midia
Defisiensia,
Autoridade Protesaun Sivil loron 07 to’o 14 fulan Abril tinan ne’e, rejistu familia uma-ka’in hamutuk 5 hetan estragus husi
dezastre, ne’ebé akontese durante semana ida iha munisipiu Lima (5).
Xefe Relasaun Externa no Komunikasaun APC, Nelson de
Jesus Orleans afirma, durante akontesementu dezastre iha munisipiu 5, APC
registu uma latama kriteria apoiu deit emerjensia uma 2, no uma ne’ebé priense
kriteria ka afetadu hamutuk 3, nune’e APC munisipiu apoiu kedas emerjensia ba
vitima sira ne’ebé hetan dezastre.
“Durante semana ida nia laran iha munisipiu Lima
Autoridade Protesaun Sivil, rejistu xefi familia uma-ka’in hamutuk 5 hetan
estragus, husi dezastre naturais ne’ebe akontese ba ema afetadu 27 no ema
evakua 16”, Dehan Xefe Relasaun Externa APC iha Salaun Konferensia APC
Kaikoli, 14/04.
Xefe Relasaun Externa hatutan, iha munisipiu Lima mak
APC registu uma 5 ne’ebé hetan estragus husi, anin sobu 2, ahi han 1 no Rai
Halai 2, hahu fulan iha loron 07 to’o 14 fulan Abril, uma hetan estragus husi
dezastre ne’ebé akontese durante semana ida.
“Munisipiu
Lima ne’ebé hetan estragus hanesa Munisipiu Covalima, Postu Fatumea, Suku Nano, Aldeia Nano,
loron 05/04/2025 akontese rai halai estraga komunidade nia uma 2 no evakua ba
kedas viziñu nia uma, Munisipiu Liquiça,
Postu Maubara, akontese anin sobu komunidade ni9a uma ida no latama kriteria
apoiu de’it emerjensia, Munisipiu Lautem,
Postu Tutuala, suku Mehara, Aldeia Loiguero loron 06/04/2025 akontese ahi han
komunidade nia uma dapur ida maibé la tama kriteria apoiu de’it emerjensia, Munisipiu Viqueque, Postu Ossu, Suku
Ossoru, Aldeia Uaibobo, loron 09/02/2025 akontese anin sobu komunidade nia uma
ida no tama kriteria aat naton no Munisipiu
RAEOA, Postu Nitibe, loron 09/04/2025 Htl. 10:00 dader iha RAEOA, Postu Nitibe,
Suku Banafi, Aldeia Coanobe, akontese alin mane ida ho naran kompletu Atanazio
do Rosario Tolan ho tinan 2 lakon vida kauza husi hariis iha mota laran, tuir
kronologia ba akontesimentu ida-ne’e vitima ho nia inan ba fase roupa iha mota
rezulra vitima monu ba mota hodi lakon vida”, Tenik Xefe Relasaun Externa no Komunikasaun APC.
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira, iha
munisipiu ida-idak apoiu ai-han no laos aihan, komandu operasional Autoridade
Protesaun Sivil iha munisipiu sira sei,
kontinua halo levantamentu dadus ba uma-ka’in ne’ebé hetan estragus makas, no
uma kain ne’ebé hetan estragus naton, bele hetan apoiu iha faze tuir mai.
Jornalista :
Geraldino Magno
Editor : Média RKDTL
