Dili-28/10/2025-Midia Defisiensia, Autoridade Protesaun Sivil (APC), iha loron 20-27 fulan Outubro tinan 2025, durante semana ida rejistu familia uma-ka’in hamutuk 2 hetan estragus husi dezastre naturais, akontesimentu iha munisipiu Rua (2) iha semana ne’e.
Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu 2, APC registu uma latama kriteria apoiu de’it emerjensia uma 1 no numeru uma ne’ebé priense kriteria ka afetadu hamutuk 1, nune’e APC munisipiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha munisipiu 2 Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 1 hetan estragus husi dezastre naturais, apoiu de’it emerjensia 1 ne’ebe akontese ba ema afetadu 10 no evakua 5”, Dehan Xefe Relasaun Externa no Komunikasaun APC Kaikoli, 27/10.
Xefe Relasaun Externa no Komunikasaun APC hatutan, iha munisipiu 2, APC registu uma estragus 2 hetan estragus husi, ahi han 2 husi dezastre ne’ebé akontese durante semana ida.
“Munisípiu Aileu, Postu Laulara, Suku Bandudato, Aldeia Dailor, iha loron 21/10/2025, Akontese ahi han komunidade nia uma ida aat kmaan. Munisipiu Covalima, Postu Fateful Suku Nano, Aldeia Macocon, iha loron 24/10/2025, akontese ahi han komunidade nia uma ida, aat total, vitima evakua ba familia nia uma”, Tenik Xefe Relasaun Externa no Komunikasaun APC.
Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira iha munisipiu ida-dak apoiu aihan no la’os aihan, no komandu operasional autoridade protesaun sivil iha munisipiu sira sei kontinua halo levantamentu dadus ba uma-ka’in ne’ebé hetan estragus makas no uma kain ne’ebé hetan estragus naton.
Jornalista : Geraldino Magno
Editor : Média RKDTL
