Dili-10/11/2025-Média Defisiensia, Autoridade Protesaun Sivil iha loron 27 Fulan Outubro to’o loron 03 fulan Novembro tinan 2025 durante semana ida, Protesaun Sivil rejistu familia uma-ka’in hamutuk 8 hetan estragus husi dezastre naturais ne’ebé akontese iha munisipiu (4) iha semana ne’e.
Xefe Seksaun Komunikasaun APC, Genoveva Fernandes Almeida afirma, durante akontesementu dezastre iha munisipiu haat, APC registu uma latama kriteria apoiu deit emerjensia uma 2 no numeru uma ne’ebé priense kriteria ka afetadu hamutuk 6, nune’e APC munisipiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha munisípiu hitu Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 6 hetan estragus husi dezastre naturais, apoiu de’it emerjensia 2 ne’ebé akontese ba ema afetadu 49 no evakua 10 no mate 1, Dehan Xefe Seksaun Komunikasaun APC, Genoveva iha Salaun Kaikoli, Dili, 10/11.
Xefe Seksaun Komunikasaun APC, hatutan iha munisípiu 4 mak APC rejistu uma estragus 8 hetan estragus husi, anin sobu 4, ahi han 4 no ema mate ida, uma sira ne ‘e hetan estragus husi dezastre ne’ebé akontese durante semana ida entre fulan Outubro no Novembro nia laran.
“Munisípiu Hitu ne’ebe hetan estragus hanesan Munisípiu Lautem, Post Lospalos, Suku Fuiloru, Aldeia 30 de Agostu, iha loron 29/10, Akontese Anin sobu komunidade nia uma, la tama kategoria tamba uma dapur no simu deit apoio emerjensia. Munisípiu Manatutu, Laclo post, Suku Uma Naruk, Aldeia Bua, iha loron 21/10/2025 Akontese Ahi han komunidade nia uma 1, la tama kategoria tamba Uma dapur no simu deit apoio emerjensia. Suku Hoho Rai, Aldeia Hatuanahu, iha loron 21/10, Akontese Anin Sobu komunidade nia uma 1, A’at Hanesan. Postu Soibada, Suku Fatumakerek, Aldeia Lesuata, loron 02/11, Akontese Ahi han komunidade nia uma 1, no ema ida lakan vida. A’at Total. Fatin Laclubar, Suku Orlalan, Aldeia orlalan, iha loron 03/11/2025 Akontese Ahi han komunidade nia uma 1, A’at Total total. Munisípiu Manufahi, Post hanesan, Suku Daisua, Aldeia Lesulau, loron 18/10, Akontese Anin sobu komunidade nia uma 1, att kaman. Munisípiu Viqueque, Suku Makadiki, Aldeia Matadalan, iha loron 25/10, Akontese Ahi han Komunidade nia uma 1, A’at, Postu Watu-Lari aat Totál. Suku Builo, Aldeia Derulo, iha loron 20/10, Akontese Anin sobu Komunidade nia uma 1, A’at Kaman, Tenik Xefe Seksaun Komunikasaun APC.
Entretantu, vitima ba dezastre naturais hamutuk uma 8 sira hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no la’os aihan, no komandu operasional autoridade protesaun sivil munisipiu sira sei kontinua halo levantamentu dadus ba uma-ka’in ne’ebé hetan estragus makas no uma ne’ebé hetan estragus naton.
Jornalista : Geraldino Magno
Editor : Média RKDTL
