Dili-18/12/2025-Média Defisiensia, liga ho Lei Pensaun Mensal ne’ebé hetan ona promulgasaun husi Presidenti Repúblika Demokátika José Ramos Horta promula ona, maibé to’o agora Tribunal Rekursu seidauk deside to’o agora tanba deskonfia lei refere inkonstituisional,tanba ne’e Estudante Universidade Timor-Leste nafatin Marsa popular ida hodi fanun fali sosiedade tomak liu-liu parte relevante partikularmente TR.

Ba Jornalista sira Portavoz ETUL Natalicio Nunes hatete, liu husi asaun marsa popular ida ne’e atu bele fanun hikas fali sosiedade tomak atu nafatin halo vijilansia ba lei sira ne’ebé benfisia de’it ba Grupu minoria partikularmente LPMV ne’ebé mak dadaun ne’e seidauk iha desizaun ikus husi tribunal rekursu tanba deskonfia inkonstituisional.

Tanba ne’e sira EUTL nia pozisaun husu TR tenki deside konstituisionalmente ba Revogasaun LPMV tuir ejijensia ne’ebé mak EUTL no povu nia hakarak.

Nia hatutan se TR deside inkonstituisional maka EUTL no kamas sosiais sira sei tun direita bai ha TR nia oin hodi halo Demostrasaun ne’ebé seriu.

Nune’e mos fatin hanesan Portavoz Jose da Costa Sure mos husu atu TR tenki deside konstituisionalmente ba proposta da lei revogasaun PMV refere, lae maka sira sei halo asaun demostrasaun grave hasoru TR.

Enkuantu tuir ajenda ne’ebé mak iha katak asaun marsa EUTL nian ne’e hahú diresaun Motael nian ba Palasiu Governo liu ba Estadium Munisipal Dili, hodi liu ba Tribunal Rekursu Caicoli nia oin sei dada is iha ne’ebá no kontinua ba Liseu Sentral UNTL, maibé tuir orden Komandu PNTL nian la autoriza tanba ne’e mak EUTL marsa la tuir ajenda ne’ebé maki ha ona.

No sira husu PNTL atu fasilita portavoz EUTL nian hodi hasoru Presidente Tribunla Rekursu hodi halo Diálogu kona ba proposta lei refere, karik la iha maka EUTL sei tun halo Demostrasaun iha TR nia oin atu husu PTR atu deklara no deside konstiuisionalmente halakon total LPMV tuir ejijensia.

Jornalista                   : Alex

Editór                         : Média Defisiensia