Dili-24/01/2025-Média Defisiénsia, Universidade
Oriental Timor-Lorosa’e (UNITAL) nia estudante husi Fakuldade Siénsia Saude
liu husi Departamentu Enfermajen hamutuk 538 halo juramentu hodi ba estajiu iha Ospitál
Referal ka klinika sira, hodi aumenta sira nia koñesimentu iha area ne’ebé sira
eskolla ba.
Tuir
Reitór UNITAL Claudino Ninas Navais, hatete atividade ne’e importante ba
estudante sira, husi Fakuldade Siensia Saude nia Departamentu Enfermajen, halo
juramentu ba sira nia estajiu profisional, hodi aplika teoria sira ne’ebé hetan
iha Ensinu Superior durante ne’e.
“Ohin
etapa foun importante ida iha ita nia
estudu, keeping day (sapeo) iha pozisaun profesional ruma hanesan páz parte
profesionalismu ne’ebé refere mós ba sapéo ne’e faze importante iha Ensinu
Superior, liuliu iha Departamentu Enfermajen ne’e. Numeru estudante iha
universidade UNITAL haree ba kada Fakuldade nomos departamentu sira ne’ebé
registu iha UNITAL primeira ba Fakuldade Siensia Saúde numeru bo’ot liu kompara
ho Fakuldade sira seluk 2 mil ital kompara ho fakuldade sira seluk, balu la
to’o 500/200 apresia ba promosaun husi fakuldade ida ne’e estudante barak loos.
Tinan 10 mai mudansa ne’e bolu evolusaun ba inan aman sira, maibé kandidatu sira
komesa haree ba area ne’ebé prioridade di’ak ba imi nomos ba familia”, Dehan
Reitor iha salaun Delta Nova 23/01.
Iha
fatin hanesan estudante Fabiano R. da Costa akresenta, serimonia keeping day ba
tinan ne’e estudante sira orgullu tanba hanesan etap importante ba sira hodi
aplika sira nia abilidade durante ne’e ho profisional iha ospital referal sira
durante fula rua.
“Hau
sente orgullu no kontente entaun husi etapa ida ne’e mak ami hahu ami nia
servisu no ami nia kna’ar profesional no halo juramentu, entre ami ho ami nia
senores sira atu nune’e ami bele halo ami nia servisu iha estajiu iha ospital
referal. Ami bele rai ami nia segredu ne’e loloos, tinan ne’e ami sei hala’o
estajiu iha fatin sira hanesan Baucau, Maubisse, Maliana durante fulan 2. Ami estudante hamutuk 538 atu
tun ba estajiu iha fatin ne’ebé mak mensiona ona hahu fulan Fevreiro nia laran,
maibé data mak seidauk fiksu. Hau Esperansa ba kolega sira mak hahu husi ne’e
ida-idak hatene nia aan katak ba oin ami tenki rai ami nia segredu maske sira
nia segredu tantu ninia moras no hakarak oinsa hahu husi oin ba oin ne’e ami
tenki rai didiak ami nia segredu”, Subliña estudante Fabiano.
Jornalista : Anselmo &Estajiadu Hernanio João
Ximenes,Marcos Elo.
Editor : Média RKDTL
