Dili, 27/01/2026, Média Defisiénte, UNTL Kaikoli Liu husi Fakuldade Siénsiais no Polítika, (FSSP, sigla tetun), realiza komunikadu imprensa hodi ejije Tribunál Rekursu deklara ona ba públiku Lei Pensaun Mensal Vitalisia ne’ebe durante EUTL Revoga.
Pozisaun Estudante Fakultdade Siénsia Sosiais husu Tribunal Rekursu atu aselera revogasaun Lei Pensaun Mensal Vitalisia ne’ebe parte EUTL ho Parlamentu Nasional asina no hetan promulga husi Prezidente Repúblika Demokrátika Timor-Leste, sua Selensia Jose Manuel Ramos Horta ne’e ba públiku atu povu hotu hatene lei refere Inkonstituisional ka Konstituisional
Maibe dadaun ne’e Tribunal Rekursu kontinua budu hodi fo insatisfasaun ba povu Timor-Leste, nune’e estudante sira kontinua rejiste hodi husu tribunal deklara ona ba públiku ho lais tanba lei ne la fo benefisiu ba povu hotu maibe benefisia deit grupu elit sira
Portavoz Auxiliadora Colo liu husi komunikadu imprensa ne’e konsidera elit ka ma-ukun sira esplora makas povu maubere nia osan, haketak no elimina povu husi dezenvolvimentu
“tanba ne’e tradisaun ida lei pensaun mensal vitaliza ne’e nudar esplorasaun bo’ot ne’ebe esplora makas povu maubere nia osan”, Portavoz Auxiliadora Colo hateten iha komunikadu imprensa ne’e iha UNTL Kaikoli, 27/01/2026.
Iha komunikadu imprensa ne’e, Fidelio Cardoso mos haktuir ba jornalista sira, povu sofre no infrenta ho situasaun oi-oin maibe la hetan pensaun husi estadu, elit no ukun nain sira han toba fulan simu osan
“Durante dékata ukun a’an nia laran povu sempre sofre ho ma-nutrisaun, ki’ak, traballador sira sofre ba salariu mensal, ita nia profesor sira hanorin voluntáriu durante tinan naruk nia laran ikus la hetan pensaun ruma husi ruma estadu, maibe ita nia eis titular sira ne’ebe hetan tia ona ukun no la hetan ukun, iha uma han toba de’it hetan pensaun husi estadu, ne’e injustisa ne’ebe bo’ot iha estadu RDTL, tanba ne’e husu Tribunál Rekursu, Prezidente RDTL, Parlamentu Nasionál no Governu atu deklara ba púliku konstituisionalidade, karik iha ne’bea mak deklarasaun la bazeia ba kondisoens ne’ebe povu infrenta, mak se’i akontese fila-fali asaun rekontinua luta kontra lei pensaun mensal vitalisia”, dehan Cardoso iha Komunikadu ne’e
Portavoz ho nia ekipa mos deklara katak Tribunal kontinua la fo resposta, se’i iha tan última asaun pasífiku
“Se komunikadu imprensa mak la to’o ba sira, iha meius seluk estudante sira atu halo, estudante no kamada sosial sira nu’udar pilar inportate iha estadu RDTL ida ne’e, nudar reprezenta povu Maubere oinsa bele hato’o aspirasaun sosial nian ba públiku, ba elit sira karik la iha resposta, mak se’i iha meus seluk, meus ida última mak asaun pasífika, asaun pasífika ida ne’e, indikadores barak mak influénsia, inikadoers externa no interna nian hanesan uluk ejije ba Parlamentu Nasional”, Cardoso hakotu ba Jornalosta sira iha komunikadu imprensa ne’e.
Lei Pensaun Mensal Vitalisia Antes ne’e EUTL hala’o ona asaun pasífika hasoru Parlamentu Nasional, no Parlamentu Nasional konsiente ona katak lei refere benéfisia de’it ba ema balun, ho nune PN ho EUTL iha konkordansia halo akordu no hetan ona promulgasaun husi xefi estadu. Maibe ikus mai Tribunal Rekursu Kontinua ladauk fo resposta
Jornalista: @cy & Alex
Editor : RKDTL
