Dili-17/03/2026-Médi Defisiénsia, Prezidente Jose Ramos-Horta Konfere onra estadu ba Diplomata nain rua husi Repúblika Singapura nu’udar rekoñesimentu ba servisu esepsionál no kontribuisaun signifikativa ba nasaun nia dezenvolvimentu no integrasaun rejionál.
Ho dedikasaun misaun nu’udar embaixador Singapura ba Timor-Leste leste durante ne’e, ne’ebe kontribui ba Timor-Leste nia dezenvolvimentu iha setor krusial sira, Xefi estadu RDTL Jose Ramos-Horta elujia diplomata na’in rua-nia kontribuisaun ne’ebé signifikante ba Timor-Leste nia bem estar no progresu.
“Embaixadór Robin Hu no Enkarregadu Negósiu William Chik presta ona servisu sira ho valór aas liu ba povu Timor-Leste. Sira-nia esforsu dedikadu la’ós de’it hametin lasu amizade entre ita-nia nasaun sira maibé fó mós apoiu tanjível ba ita-nia dezenvolvimentu nasionál no ita-nia viajen ba integrasaun tomak iha família ASEAN. Ho onra sira-ne’e, Estadu rekoñese sira-nia kontribuisaun signifikativu no permanente ba ita-nia bem-estar no progresu”, Dehan Xefi estadu RDTL Jose Ramos-Horta iha komunikadu ba imprensa.
Iha intervista diplomata ne’e hateten, onradu tebes, durante misaun esperensia barak, la’os hare’e timor leste nia historia ne’ebe molok independensia maibe iha mos lisaun lubuk ida ne’ebe aprende oinsa hare’e ba futuru nasaun nian, Diplomata singapura ne’e subliña timor leste adere ona ba ASEAN ba-11 nu’udar membru familia foun ne’ebe okupa numeru 11 husi membru nasaun sira seluk , tanba ne’e presija tulun ba koinesimentu hodi sai responsabilidade, nune’e liu husi programa ASAR ho pakote formasaun ne’ebe inkorpora ho programa koperasaun nian.
“Ha’u-nia onra bo’ot no haraik-an simu orden Timor-Leste nian, ne’ebé maka bolu husi Exelensia Prezidente Ramos Horta, iha serimónia ida-ne’ebé dignifikadu tebes ne’ebe Partisipa husi kolega sira husi Servisu Estranjeiru iha Timor-Leste, nune’e mós misaun iha Singapura belun sira husi komunidade Singapura ne’ebé reprezenta setór krusial( cross-sectór) Singapura nian ne’ebé hela no servisu iha Timor-Leste, iha tinan tolu nia laran, ha’u aprende buat barak kona-ba buat ne’ebé nasaun ne’e hanorin ha’u ho haraik-an, pasiénsia, kompriensaun, hanoin kona-ba perdua, no ha’u haree futuru ne’ebé di’ak ba nasaun ne’e la’ós de’it tanba espíritu ne’ebé la iha kbiit, no istória Cheka nian ne’ebé nasaun ne’e tenke hasoru iha dekade hirak uluk nian, maibé espíritu ne’ebé hanesan mós sei bo’ok nasaun ne’e atu hetan fatin foun, Singapura kontente tebes tanba ami simu ona ami-nia membru ASEAN no sira seluk.
TL nu’udar membru família ASEAN ba da-11 no membru foun liu, esperansa atu hetan asisténsia no ajuda ruma ne’ebé presiza Timor-Leste, governu ida-ne’e no funsaun publika, setór sira seluk ne’e bele hetan kapasidade ne’ebé presiza atu absorve koñesimentu atu sai responsavel no kontribui ba membru família ASEAN, ho akordu ida-ne’e, governu Singapura, ami dezeña no hahú ona projetu ASAR ne’ebé maka Pakote Apoiu ba Readiness Timor ASEAN, no oferese programa formasaun lubuk ida-ne’ebé inkorpora ona hamutuk ho Programa Kooperasaun Singapura, ne’ebé ofisiál 1,000 liu husi Timor-Leste, Partisipa tiha ona, no ami hein katak liuhusi programa sira-ne’e no formasaun aprendizajen ne’ebé hala’o iha Singapura no mós iha Timor-Leste, sei aselera dezenvolvimentu no kompriensaun husi ofisiál Timor-oan sira iha preparasaun atu sai membru ASEAN ida-ne’ebé iha ona formasaun tomak, kooperasaun no amizade kontinua ba Timor-Leste, Ha’u-nia ksolok no onra mak ha’u hetan fali responsabilidade husi embaixador ba nasaun ne’e. Tan ne’e obrigadu barak ba imi. Ha’u hakarak nasaun ne’e hetan susesu hotu” Singapura Hu Yee Cheng (Robin) hafoin remata enkontru ho PR iha palasiu segunda ne’e, 16/03.
entretantu Embaixadór Robin Hu hala’o kna’ar nư’udar Embaixadór Naun-Rezidente Singapura nian ba Timor-Leste dezde fulan-Fevereiru 2023, períodu ida ne’ebé marka ho aprofundamentu signifikativu ba relasaun bilaterál nu’udar Pasu xave ida durante nia mandatu maka estabelesimentu Embaixada rezidente dahuluk Singapura nian iha Dili iha fulan-Abril 2024, ho Sr. William Chik nomeadu nuudar Enkarregadu Negósiu hodi lidera misaun ne’e.
Jornalista : Alves Carvalho
Editor : Media defisiensia
