Dili-18/01/2023-Media Defisiensia,
Embaixadór Japão iha Timor-Leste hato’o agradese ba apoiu husi Governu Timor-Leste
ba afetadu rai nakdoko iha nasaun Japão foin lalais ne’e.
Iha
intervista ba jornalista sira Embaixadór Japão iha Timor-Leste Kimura Tetsuya,
hato’o nia sentidu agradesimentu ba governu Timor-Leste no Ministeriu
Solidariedade Sosial ne’ebé halo ona koperasaun bilaterál hodi apoiu ona vitima
sira afetadu dezastre rai nakdoko iha
nasaun Japão.
“Husi
oportunidade sira ne’e ami foti apresiasaun senseriu hodi hato’o agradese ba
parlamentu nasional, governu Timor-Leste, ne’ebé fó solidariedade ba vitima
sira iha Japão. Ami mós hala’o ona enkontru bilateral ho governu Timor-Leste
iha Tinan kotuk hodi halo koperasaun di’ak liutan ba futuru”. Dehan Kimura
Tetsuya Quinta ohin.
Embaixadór
ne’e hatutan liuhusi enkontru hira ne’e sei halo koperasaun ba projetu servisu
foun hodi halo liña kordenasaun entre governu Timor-Leste no Japão iha tinan
ida ne’e.
Entretantu
lia hirak ne’e hato’o husi Embaixadór Japão iha Palasio Prezidensial depois de remata enkontru ho Presidente da
Republika Timor-Leste.
Jornalista: Anselmo Martins & Nencia J. da Silva (
Estajiadu)
Editor: Media RKDTL
