Dili-18/12/2025-Média Defisensia, Komite Orientadot 25 realiza seminariu nasional, hodi halo reflesaun hamutuk ho estudante universidade sira, aumesmu tempu halo expozisaun Frente Kladistina ba loron lima hamutuk ho organizasaun rezistensia Komite Ezekutivu (KE), OJKTIL, CEL/FC, OPJLATIL, RENETIL no Komite 12 Novembro.
Vise-Prezidente Komite Orientador 25, Jacinto Alves hatete, Komite 25 Nia Mandatu Atu Hakerek Istoria Luta Rezistensia Nasional no hakerek mos ligadu luta juventude iha frente kladistina iha prosesu luta ba libertasaun nasional.
“Mandatu ami nia volume barak komesa hotu ona no seluk ami tenta ona balu iha 90% no balun 70% no ida rua mak iha 35%. Ami komite 25 sente nesesidade katak antes atu lansa livru istoriku ita halo expozisaun ida ba frente kladistina nian. Objetivu husi reflesaun ne’e transmisaun vontade, espiritu no valores ba ita nia juventude agora atu banati tuir no labele husik fali nasaun ne’e no estadu ne’e monu ba korupsaun, krimi transnasionais, mafia nia liman ita tenke buka malu katak nasaun ita nian”, Dehan Vise-Prezidente Komite Orientador 25 iha Salaun HAK Farol Dili, 16/12.
Hatutan, Vise-Prezidente Komite Orientador 25, afirma Expozisaun refere atu halao mesak maibé halo ho sesaun reflesaun hakarak lori joven sira ba komprende kontextu iha luta frente kladistina no valores saida mak joventude agora ne’e bele foti no tane nasaun ne’e la’o ba oin.
“Ami halo reflesaun no Expozisaun kona-ba Livru istoriku sira foin primeira volume B1 finalize iha 2024 atu lansa, maibe komite 25 ne’e hola parte iha governu tanba ne’e ami rona governu husi Primeiru Ministru deside atu lansa iha tinan ne’e depois ita kompleta tinan 50. Iha tinan ne’e ami produs ona livru rua tinan oin bele lansa hotu livru lima. Iha livru ne’e koalia kona-ba luta rezistensia nasional ne’e tomak. Tanba ne’e tenke hakerek diak tau iha kontextu nasional livru ne’e hakerek kontextu nasional mandatu governu fó ba komite 25, atu haree deit luta joventude nian maibé nu’udar joventude laiha sentidu hatur luta tuir kontextu nasional Primeiru Ministru husu atu hakerek luta tomak ka kontextu nasional tanba ne’e ami nia reflesaun ohin halai ba kontextu tomak”, Subliña Vise Komite 25.
Esklarese tan, Livru ne’e hakerek tuir metodologia sientifika talves sei haruka ba universidade sira no sei buka versaun ida popular ba estudante primaria sira mós bele asesu, maibé sei halo diskusaun ida ho Ministeriu Edukasaun nune’e bele buka versaun ida popular.
“Komite 25 nia ezistensia iha 2017, ami konsege hala’o peskiza iha 2023 to’o 2025 no ami kria buat barak iha volume 1B livru sira ne’e 1A iha ona 95% hein atu prosesu editing, volume 3A iha 85% hanesan mós 3B no volume 4 hanesan 85%. Ami sei iha difikuldade iha volume 2 no 5. Volume 2 koalia kona-ba funu iha ai-laran ita tenke buka dadus Sekundariu hodi halibur dadus sira ne’e esplika luta iha ai-laran no volume 5 koalia kona-ba 1999 nian, no asesu ba dokumentu barak ba revizaun literaria mós barak no testemuña primariu mós iha, maibé ami iha difikuldade ho peskizadór tanba troka malu hela de’it tinan ikus ne’e foin iha peskizadór ida hodi hala’o fila fali Peskiza”, Tenik Vise-Prezidente Komite 25.
Entretantu, atividade expozisaun ba loron lima nian iha loron 19 halo enseramentu ba expozisaun partisipante mai husi frente kladistina no estudante universidade nune’e autor sira fahe sira nia esperiensia sai mos mensajen ba joven sira hodi banati tuir no tane nafatin ita nia rai.
Mensajen husu ba Estudante no joven sira tenke proativu laos proativu deit maibé tenke kritiku se ita la sai kritiku ne’e fasil ema atu manipula ita ne’e hanesan nesesariu hodi banati tuir joven sira iha frente kladistina joven tenke sai krituku ba atividade hotu labele rona deit demokrasia laos fiar deit maibé tenke fiskaliza hodi hatene ne’e loos kalae apelu ba joven sira labele fiar deit tenke sai kritiku.
Jornalista : Geraldino Magno
Editor : Média RKDTL
