Dili-09/12/2025-Média Defisensia, Lalenok ba Ema Hotu (LABEH), selebra loron mundial Anti Korrupsaun hamutuk Joventude Anti Korupsaun (JAK), konklui atividade ho topiku “Unitin With Youht Against Corruption Shaping Tomorrow’s Integrity” nune’e bele hasa’e integridade iha future.
Tuir Reprezentante Diretor LABEH, Ano Pereira hanesan Membru JAK dehan, atividade selebrasaun ne’e, atu garante loron mundial anti korrupsaun no fó hanoin ba Joventude sira husi LABEH no hasa’e joven sira nia pensamentu ba prosesu dezenvolvimentu no luta kontra korrupsaun iha Timor-Leste.
“Loron 09 Dezembru kada tinan Lalenok ba Ema Hotu hamutuk ho joven anti korrupsaun sempre selebra hanesan Loron Mundial Anti Korrupsaun iha Timor-Leste maubé mundu internasional mós kada tinan sempre komemora loron importante ida ne’e. Tamba ne’e ami konvida ita hotu iha tinan oin sei selebra atividade boot liu nune’e bele Kombate Korupsaun iha rai-laran. Hatete Membru JAK Ano iha edifisiu LABELE Comoro, Dili, 09/12.
Nia afima tan, tuir observasaun no pensamentu kazu lubuk ida ne’ebé durante ne’e la’o sei hakdasak hela liu-liu kona-ba dezenvolvimentu. Tanba ne’e husi tema ne’ebé iha mai ita hamutuk hodi dehan ba Lae ba koruptór sira no abaixu korrupsaun iha ita nia nasaun rasik.
“Ha’u nia observasaun relasiona ho asuntu importante ida ne’e ha’u hanoin iha kazu lubuk ida ne’ebé durante ne’e ita lao sei hakdasak hela liu-liu kona-ba dezenvolvimentu. Tanba ne’e LABEH kria nia Joventude rasik atu hamrik iha oin hodi hakilar katak “Lae ba korruptor sira no abaixu korrupsaun iha Timor-Leste. Nune’e servisu tenke ho fuan no laran mós tanba rai ida-ne’e presiza tebes ita”, Subliña Membru Joventude Anti Korrupsaun Ano.
Reprezentante diretor LABEH hatete, atividade sira ne’e tanba LABEH iha média rasik, atu hatudu ba mundu katak, iha Timor-Leste sira akompaña hela situasaun ne’ebé akontese iha rai-laran. Bainhira akontese korrupsaun sira sei keixa ba Ministeriu Komisaun Anti Korrupsaun, tanba atividade keixa ne’e sira realiza hahu husi 2003 mai too agora. LABEH observa ba Ministeriu Anti Korrupsaun KAK, durante ne’e servisu di’ak maibé iha parte balun faille, tanba KAK asume kargu iha partidaria nia okos, entaun atu foti desizaun presiza tetu didi’ak depois foti desizaun.
Entretantu, atividade ne’e LABEH servisu hamutuk ho Joventude Anti Korrupsaun inklui partisipa husi estudante sira konklui selebrasaun loron Mundial Anti Korrupsaun, hahu ho Marsa la’o ain depois fila mai edifisiu LABEH hodi hakilar abixu korrupsaun iha rai-laran hodi hateke ba oin no servi nasaun ne’e ho di’ak.
Jornalista : Geraldino Magno
Editor : Média RKDTL
