Manatutu
06/05/2025-Média Defisensia, Haktuir lala’ok moris husi Maria
de Fatima Soares, moris iha loron 19 fulan Janeiro tinan 1970 husi Municipio
Manatutu, Posto Administrativo Laclubar, suku Batara Aldeia Balulin ho
kondisaun Defisiensia Intelektual. Durante tinan sanulu sedauk asesu ba
subsidiu ne’ebé governu oferese ba ema ho defisiensia.

Maria
de Fatima Siares Oan husi inan matebian Carlinda Fatima no Aman Matebian
Ermenejildo Soares, observasaun no intervista husi Media Defisiensia haktuir istoria moris husi familia katak Maria sofre moras defisiensia Intelektual
kuaze tinan sanulu ona. Maria mós sofre tan moras seluk hanesan isin sorin
maten ka Struk kauza  mós ba Maria labele
halo komunikasaun ho familia nomos ema seluk.

Maske
kondisaun ne’ebé Maria hasoru ho tinan naruk nunka mais hado’ok husi nia, maibé
familia sira sempre koidadu no hadomi nia. Moris hanesan grasa ida, maske iha
defisil  nia laran no susar atu haksolok
ho moris ida ne’e, nafatin agradese tanba sei bele  haree mundu nia furak, haktuir husi familia

Hatutan
kondisaun moris husi Maria nia família, durante 
ne’e sedauk iha ema ruma fó ajuda ka vizita, no  seidauk hetan direitu ba  Subsidiu Defisensia nian tanba failla iha
dokumentus la kompletu, familia hakarak apoiu hodi hala’o hela maibé dokumentu
balu presiza na’in mak bele trata entaun ho distansia do’ok Maria labele hakat
mesak hodi ba fatin trata  dokumentus tanba
dook husi hela fatin.

Entretantu
husi observasaun no entrevista ida ne’e Média Defisiensia kolabora no la’o
hamutuk ho Defisiensia Nasional Fundasaun Ahisaun hodi hetan informasaun iha
Municipio sira nomos fahe Nesesidade Basika ba Defisiensia sira aumesmu tempu
sosializa mós informasaun ba komunidade sira.

Jornalista
: Eufrozinha & Efifania

Editor  : Média RKDTL