Dili-15/07/2025-Média Defisensia, Ministeriu Saude no Ministeriu Finansas hamutuk ho parseiru sira, realiza diskusaun hamutuk ho objetivu atu haree konseitu no prinsipiu sira ne’ebé apoiu komprimisiu governu Timor-Leste, ba alkansa UHC, liuliu foku ba hametin efisensia despezas publikas iha sektór saude, haforsa jestaun finansas ba saude, mellora protidaun iha parte oferese rekursus ba saude no espanda espasu fiskal ba saude inklui dezenvolve planu asaun ba futuru husi finansiamentu ba saude iha rai-laran.
Vise-Ministru ba Operasionalizasaun Hospotalar (VMOH), Flavio Brandão Mendes de Araújo, hatete diskusaun ida-ne’e hodi halo analiza ba orsamentu sira, tuir dadus ba programa ne’ebe hetan husi parseriu hodi investe iha sektor saude.
“Atividade ne’e importante ba ita nia rai liuliu sektor saude importante tebes atu halo analiza klean relasiona ho estudu balu ne’ebé la’o hamutuk ho Banku Mundial komesa la’o ona oinsa parte governu husi Ministeriu Saude no Ministeriu Finansas, oinsa mak atu haree investimentu iha MS tenke aposta ba utiliza orsamentu ne’ebé efektivu, efisiente no halo analiza ba dinamika politika internasional nian. Envolve mos Saude oinsa mak ita bele priense ba WEB sira ho efisiente, tanba ne’e iha loron rua ne’e sei diskute oinsa mak aposta ba investimentu iha orsamentu jeral sira tuir mai tenke ho diak, hodi responde ba nesesidade sira tuir dadus ne’ebé iha”, Dehan VMOHFlavio iha Salaun Kay Rala Xanana Gusmão MF, Dili, 15/07.
Ministro ne’e hatutan, atu investe desenvolvimentu ba sektor saude, liuliu ba iha hospital rejional sira presija dadus tuir programa sira. Nune’e ministeriu bele hatene porsentu % husi servisu ne’ebé kada sentru saude sira hala’o.
Iha fatin hanesan reprejentante Banku Mundial iha Timor Leste David Freadman hatete, ohin koalia ba asuntu situasaun aktual ba iha futuru relasiona ho sektor saude iha Timor-Leste no lansa mós relatoriu haat kona-ba jestaun iha ministeriu saude.
“Sorumutu ida-ne’e koalia kona-ba situasaun aktual ba iha futuru ne’ebe sei aumenta no hasoru liuliu ba iha sektor saude iha Timor-Leste. Ohin ami lansa relatoriu haat kona-ba jestaun finanseiru, ba sector saude, rekursu humanu, efisiensia despeja, nomos kondisaun aktual ba fasilidade saude. Relatoriu hira ne’e prepara husi Ministeriu saude nomos Ministeriu finansas ho objetivu atu fo opiniaun hamutuk hodi hadia sistema sira iha futuru”.
Enkuantu reprejentante ne’e salienta, atu hala’o servisu ho di’ak presiza iha fasilidade no orsamentu nune’e bele hadia sector sira ho mekanismu tuir nesesidade ne’ebe ita presija, maibe presija mos servisu hamutuk tuir sistema sira hodi bele atinji objetivu ida.
Iha diskusaun ne’e partisipa mos husi Vice primeiro Ministru no Ministru Kordenador dos Asuntus Sosiais, Ministru do Dezenvolvimentu Rural no Abitasaun Komunitaria Eng. Mariano Asanami Sabino, WHO, UNICEF.
Jornalista : Geraldino Magno
Editor : Média RKDTL
