Dili-03/02/2025-Média
Defisiensia, Ministériu Transporte no Komunikasaun
(MTK) hamutuk ho Governu Japaun asina kontratu ba projetu melloramentu Aeroportu
Internasional Prezidente Nicolau Loubato, hodi finaliza dezeñu ba aeroportu
refere.
Ministru Transporte no
Komunikasaun Eng. Miguel Marques G. Manetelu hatete, serimonia asinatura kontratu
ne’e, sai hanesan parte importante ba MTK no Governu Japaun, nune’e bele finaliza
dezeñu detallu ba terminal pasajeirus Aeroportu Internasional PNL.
“Ohin marka presensa
iha okaziaun importante ne’e asinatura kontratu entre MTK ho governu Japaun,
hodi bele finaliza dezenu fatin terminal iha aeroportu ba pasazeirus nia
orsamentu mai husi Governu Japaun. Liuhusi
forma gram no iha Governu Timor-Leste nian hodi kongratiza terminal ne’e, asina
kontratu ida ne’e laos de’it simboliza inisiu ida iha prosesu finalizasaun dezenu
detallu terminal Aeroportu Internasional PNL, maibé liuliu atu konfirma
seriedade governu nian ba kontrusaun Aeroportu”, Dehan Ministru Miguel ba
Jornalista sira iha Salaun MTK, 03/02.
Ministru MTK hatutan
tan, fó gratidaun ba Governu Japaun nia apoiu finanseiru liuhusi gram iha
prosesu ne’e no fó gratidaun ba JICA, ohin ita hotu sai sasin ba kontratu ne’e,
espera trimester remata aprezenta ona dezeñu sira.
“Finalmente ohin ita
hotu sai sasin ba kontratu ida ne’e, hau espera katak hanesan mós instrusaun
ne’ebé hau fó ba Waskita katak antes primeiru trimester remata karik bele ita
apresenta ona deseñu rua ne’e ba exselensia Primeiru Ministru, bainhira aseita
hotu deseñu ne’e. Hau hein katak iha fulan sira tuir mai ohin hau temi ona
antes fulan mak termina prosessu ba deseñu rua tantu ne’ebé prepara husi Waskita
no prepara husi konstrusaun JICA nian”, Ministru afirma.
Iha fatin hanesan
Embaixadór Extraordinariu no Plenipotensiariu ba Japaun iha TL, Tetsuya Kimura,
deklara agradese ba ohin loron bele sai testemuña ba asina kontratu projetu
dezeñu aeroportu parte Japaun sei kontribui, hodi halo renovasaun ba terminal
pasajeiru liuhusi asisténsia suvensaun husi JICA.
“Serimónia asinatura
ohin nian simboliza ami nia esforsu atu lori projetu boot ne’e ba oin. Ha’u
hakarak apresia ema hotu-hotu ne’ebé envolve iha prosesu notável ida-ne’e.
Projetu
aeroportu ne’e hanesan aspirasaun Timor-Leste nian ne’ebé kleur ona. Terminal
pasajeiru mak oin nasaun nian, odamatan ba rai-li’ur, no simbolu nasaun nian.
Projetu ne’e garante konektividade internasionál ne’ebé esensiál ba promosaun
turizmu no dezenvolve indústria sira, no kontribui maka’as ba nasaun ne’e nia
adezaun lalais ba ASEAN. Japaun sente haksolok atu apoia maka’as hadi’a
asesu-aéreu Timor-Leste nian, liuhosi harii edifisiu terminál pasajeiru foun
neʼebé furak, ami sai parseiru dezenvolvimentu prinsipál ba Timor-Leste durante
tinan rua-n resin-lima no liu ona”, Salienta Embaixadór Extraordinariu no Plenipotensiariu
ba Japaun iha TL.
Governu Japaun esplika
tan, sira mós kompleta ona projetu sira mak Terminál Ro-ahi Portu Dili, Ponte
Comoro foun, Edifisiu UNTL iha Hera, no Estrada Nasional entre Dili ho Baucau
no sei kontinua apoiu, hodi responde ba prioridade ne’ebé Governu Timor-Leste
estabelese. Japaun nia kompromisu ba dezenvolvimentu nasaun ida-ne’e nian,
nu’udar belun loloos ho espiritu solidariedade, servisu hamutuk ba futuru
ne’ebé sustentável.
Entretantu, atividade asinatura
ne’e entre Ministériu Transporte no Komunikasaun no Konsorsiu Konsultór
Aeroportu Japaun nian, Arkitetu no Enjeñeiru Ehira, Konsultór Orientál Globál,
no Nippon Koei kona-bá projetu ba Melloramentu Aeroportu Internasional
Prezidente Nikolau Lobato.
Jornalista
: Geraldino, Maria M. Sarmento & Marcos Elo (Estajiadu/a)
Editor
: Média RKDTL
