Dili-10/11/2025-Média Defisiensia, Autoridade Protesaun Sivil iha loron 03-10 fulan Novembro tinan 2025 durante semana ida, Protesaun Sivil rejistu familia uma-ka’in hamutuk 13 hetan estragus husi dezastre naturais ne’ebé akontese iha munisipiu (4) iha semana ne’e.

Xefe Seksaun Komunikasaun APC, Genoveva Fernandes Almeida afirma, durante akontesementu dezastre iha munisipiu haat, APC registu uma latama kriteria apoiu deit emerjensia uma 3 no numeru uma ne’ebé priense kriteria ka afetadu hamutuk 10, nune’e APC munisipiu apoiu kedas emerjensia ba vitima sira ne’ebé hetan dezastre.

“Durante semana ida nia laran iha munisípiu hitu Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 10 hetan estragus husi dezastre naturais, apoiu de’it emerjensia 3 ne’ebé akontese ba ema afetadu 73 no evakua 12, Dehan Xefe Seksaun Komunikasaun APC, Genoveva iha Salaun Kaikoli, Dili, 10/11.

Xefe Seksaun Komunikasaun APC, hatutan iha munisípiu haat mak APC rejistu uma estragus 13 hetan estragus husi, anin sobu 10 no ahi han 3 uma sira ne ‘e hetan estragus husi dezastre ne’ebé akontese durante semana ida iha fulan Novembro nia laran.

“Munisípiu Hitu ne’ebe hetan estragus hanesan Munisípiu  Aileu, Fatin Aileu Villa, Suku Liurai, Aldeia Kulau ulun, iha loron 08/11, akontese anin boot no rejulta ai tohar hanehan komunidade nia uma 2 estraga total no evakua ba vijinho nia uma. Munisípiu Baucau, Post Baucau Villa, Suku Uailili, Aldeia Uai manu boe, iha loron 04/11/2025 Akontese Ahi han komunidade nia uma 1, aat total no 2 seluk hetan anin sobu tama kategoria aat Kaman, Post Quelicai, Suku Letemumo, Aldeia Letenei iha loron 02/1, Akontese anin sobu komunidade nia uma 2 tama, Kategoria Arte Kaman, Suku Maloru, Aldeia namane iha loron 16/10/2025 Akontese anin sobu komunidade nia uma 1 tama, kategoria aat kaman + Suku Lelalai, Aldeia Deza iha loron 20/10/2025 Akontese anin sobu komunidade nia uma 1 tama kategoria, aat Kaman, Suku watame, Aldeia kugulai iha loron 20/10, Akontese anin sobu komunidade nia uma 1 tama kategoria aat kaman. Munisípiu Dili, Post Dom Aleixo, Suku Fatuhada, Aldeia Zero três, iha loron 02/11, Akontese ahi han komunidade nia uma 2, la tama kategoria apoio deit emerjensia. Munisípiu Lautem, Post Lospalos, Suku Home, Aldeia Reisuro, iha loron 06/11/2025 Akontese Anin sobu komunidade nia uma, la tama kategoria no simu deit apoio emerjensia, Tenik Xefe Seksaun Komunikasaun APC.

Entretantu, vitima ba dezastre naturais hamutuk uma 13 sira hetan ona apoiu emerjensia husi komandu APC ho parseriu relevante sira,  iha munisipiu ida-idak apoiu ai-han no la’os aihan, no komandu operasional autoridade protesaun sivil  munisipiu sira sei kontinua halo levantamentu dadus ba uma-ka’in ne’ebé hetan estragus makas no uma ne’ebé hetan estragus naton.

Jornalista : Geraldino Magno

Editor       : Média RKDTL