Dili-24/07/2025-Média Defisiensia, Radio Komunidade Defisiensia Timor-Leste konklui audiensia ho Sekretariu Estadu Komunikasaun Sosial atu haree kona-ba edifisiu ne’ebé asesibel ba ema ho defisiensia, maibé tenki haree ba kapasidade orsamentu jeral estado.
Tuir Sekretariu Estadu Komunikasaun Sosial (SEKOMS), Expedito Loro Dias Ximenes hatete, hanesan estadu ba sektor Media nafatin koopera, hodi haree ba preokupasaun media sira nian, maibé sukat mos ho kapasidade orsamentu jeral estadu hodi bele hatan ba preokupasaun hira ne’e.
“Iha audiensia ne’e Sekretariu Estadu Komunikasaun Sosial (SEKOMS), hatan ba preokupasaun sira ne’ebe Radio Komunidade Defisiensia hato’o, kona-ba edifisiu la asesibel ba ema ho defisiensia, husi estadu karik bele halo rehabilitasaun maibe atu hari’i fatin foun ne’e kompetensia iha Ministerio Obras Publika no INP nia servisu. Preokupasaun ida ne’e Sekretariu estadu sei kontaktu ho Ministeriu Obras Publika para halo levantamentu ida atu hare tok edifisiu ida ba Radiu difisiensia sira uja atu bele moderniza tuir dunik padraun ema ho difisiensia nian, maibé la promete tanba sei hare mos ba orsamentu jeral estadu nian”, Dehan Sekretariu Estadu Komunikasaun Sosial iha sala enkontru palacio do governo 23/07/2025.
Sekretariu Estadu ne’e hatutan, orgullu tebes ho servisu Radiu Defisiensia nian, tamba durante ne’e akompania hela jestaun no programa sira lao di’ak tebes, presiza mak reabilita uituan asesibel ba difisiensia sira bele asesu ho diak .
“Hau agradese tamba ida ne’e hatudu katak alin sira iha dunik kapasidade atu hanoin ba oin oinsá radiu ne’e bele sai di’ak liu tan ho kualidade no abansa iha teknolojia. Radiu Defisiensia kompara ho radiu komunidade sira seluk, Radiu ne’e nia perfil kapas teb-tebes, tanba ne’e governo sei nafatin fó apoiu iha tinan tuir mai. Tamba Estadu sei iha limitasaun orsamentu jeral ne’ebe maka limiti tebes, espera ba oin ami sei buka dalan atu bele hatan ba preokupasaun hira ne’e”.
Iha Audiensia ne’e Diretora Radio Komunidade Defisiensia Timor-Leste (RKDTL) Ermenciana Alves hatete, hasoru malu ho sekretariu hakarak hodi koalia, oinsa atu hare edifisiu ida ne’ebe mak asesibel ba ema ho defisiensia sira hotu .
“Objetivu husi audiensia ida ne’e atu koalia kona-ba oinsá hare edifisiu foun, tamba edifisiu ne’ebé mak agora dadaun hala’o hela servisu, seidauk asesibel tamba labele akomula maluk ho difisiensia sira hotu , liu-liu sira ne’ebe mak problema ho difisiensia fiziku, matan , no komunikasaun, sira labele servisu barak ho ami. Ida ne’e ma kami hakarak diskusaun direita ho secretario estado cominikasaun social atu nune’e bele hare edifisiu ida ne’ebe mak asesibel ba ema hotu liu-liu ba maluk defisiensia sia iha timor leste”.
Diretora ne’e hatutan, agora dadaun Radiu Komunidade Difisiensia Timor-Leste hahu husi tinan rua ho balun akomula maluk ho difisiensia sira hamutuk nain 16 inklui sira ne’ebé mak la ho difisiensia total feto nain 8 no mane nain 8. Maibé agora dadaun ativu iha radiu komunidade disiensia timor-leste hamutuk nain 6, kompostu husi feto 4 no mane 2.
Entretantu audiensia refere marka prezensa husi Diretora no Administrasi RKDTL nomos Sekretariu Estadu Komunikasaun Sosial (SEKOMS) no partisipa mos husi Diretur SECOMS
Jornalista: Eufrozina Bras
Editor: RKDTL
