Dili-11/04/2025-Média
Defisiensia, Sekretario Estadu Kooperativa hamutuk
ho benefisiariu sira asina kontratu relasiona ho sira nia proposta ne’ebé
submete ba hodi hala’o sira nia atividade grupu iha baze.

Tuir Sekretario Estadu Kooperativa,
Eng. Arsenio Pereira da Silva hatete, OJE tinan 2025 ne’ebé aprova SECOOP nia
parte fó sai informasaun ba benefisiariu sira, hodi submete proposta tuir
mantalan ne’ebé iha, no hetan avaliasaun husi SECOOP ba grupu sira ne’ebé liu
iha avaliasaun matadalan mak ohin asina kontratu.

“Orsamentu Jeral Estadu 2025 nia
aprova depois dekretu ezekusaun ami anunsia kedan prosesu atu benefisiariu
sira, submete sira nia proposta iha SECOOP antes ida ne’e kria nia matadalan forma
nia komisaun, hodi simu sira nia proposta. Depois ba halo verifikasaun iha
Munisipiu sira tuir diresaun ne’ebé sira fó ida ne’e etapa I no etapa II sira
sei ba halo verifikasaun hotu sira sei mai halo avaliasaun proposta fali sira ne’ebé
depois rekomenda mai ohin mai foin ita selebra kontratu entre Sekretario Estadu
Kooperativa ho benefisiariu sira”, Dehan Eng. Arsenio iha Salaun SECOOP 09/04.

Sekretario Estadu Kooperativa hatutan
tan, benefisiariu sira mai husi Munisipiu 13 inklui Atauru no RAEOA nia númeru husi
grupu benefisiariu diferente, maibé iha hotu SECOOP nia parte hakarak kria
balansu ba ema hotu, tanba orsamentu estadu nian presiza ema hotu hetan maibé
tenke priense matadalan ne’ebé iha.

“Munisipiu 13 inklui Atauru no RAEOA
nia númeru la hanesan, maibé iha hotu benefisiariu iha munisipiu sira hotu ita
hakarak halo balansu, tanba Orsamentu Estadu ita dehan katak osan povu nian,
nia atribuisaun ne’e pelumenus Munisipiu hotu bele hetan. Ami publika ba sira
atu submete sira nia proposta no ekipa sei halo avaliasaun, parese sei iha
etapa II atu anunsiu hodi sira bele mai halo submete, hodi haree ba nia saldo
no balansu husi ekipa ne’e sei anunsia fali depois sira halo verifikasaun
depende ba proponente sira benefisiariu sira submete iha proposta”, Tenik
SECOOP.

Entretantu, durante sira submete
proposta grupu hamutuk 156, maibé benefisiariu sira ne’ebé hetan hamutuk 76
ohin asina kontratu no kada benefisiariu hetan orsamentu la hanesan balun 400
no balun 300, depende ba benefisiariu sira husi organijasaun no grupu sira
submete, bazeia ba sira nia planu balu ba halo produsaun, balu halo edifisiu,
balu material ba kooperativu sira no balu fó formasaun.

Jornalista  : Eufrozina Braz

Editor
  :
Média RKDTL