Dili-05/12/2025-Média Defisensia, Sekretariu Estadu Protesaun Sivil (SEPS), abertura workshop konsultasaun ikus ba kuríkulu formasaun Autoridade Protesaun Sivíl, relasiona ho preparasaun ba risku dezastre naturais iha rai-laran.
Sekretariu Estadu APC, Domingos Mariano Reis, hatete atividade konsultasaun ba kurikulu nasional APC nian, durante ne’e menus iha kuríkulu atu gia funsionariu sira. Ohin ikus ba konsultasaun nune’e ba oin programa hotu iha diresaun nasional APC integra iha sentru konvensaun kurikulun ho nia topiku oin-oin.
“Ohin abertura ba konsulta ba kuríkulu nasional APC nian, sentru formasaun APC durante ne’e laiha kuríkulu ida atu gia sira, hodi kapasita no formasaun ba funsionariu sira. Abertura ikus ba konsulta nian hahu ohin ba oin programa hotu iha diresaun nasional APC integra iha sentru konvensaun kuríkulu mai ho topiku ida-idak hanesan koalia kona-ba diresaun metigasaun no prevensaun foku liu ba edukasaun redusaun risku dezastre, kapasitasaun ba bombeiros liga ba buska no salvaguarda, resposta emerjensia liga, kooperasaun no fó asistensia emerjensiaba vitima sira”, Dehan SEPC iha Salaun Esperansa Delta, Dili 05/12.
Hatutan tan Sekretariu Estadu PC katak, departamentu ba sentru formasaun atu bele integra diak, hodi fó formasaun ba jestor no tekniku sira, hodi bele jere servisu sira tuir kuríkulu ne’ebé eziste.
“kuríkulu ida-ne’e atu gia APC liuliu diresaun sentru formasaun bele integra ho di’ak, hodi fó formasaun ba jestor, tekniku sira atu kapasita no hasa’e koñesimentu klean ba jestor sira no hatene klean atu jere rekursus umanu, rekursu finanseiru no fasilidade. Nivel tekniku sira nian halo intervensaun imediata ba resposta emerjensia. Atividade ba kuríkulu nasionál formasaun ba APC, hodi asegura kualidade atendimentu ba públiku ho apropriadu no kualidade hodi resposta ba ezijensia públiku nian”, Afirma SEPC.
Afirma nia, Programa ba 2026 iha programa rua importante primeiru seguransa nasional entermu atu asegura sidedaun hotu sente seguru husi kauza dezastre. Daruak funsionamentu no dezenvolvimentu instutisional ida-ne’e mak prioridade ba tinan oin.
Iha fatin hanesan Prezidente Autoridade Protesaun Sivil (APS), Jesuíno dos Reis Matos Carvalho dehan, workshop ohin atu halo diskusaun, hodi tau hanoin hamutuk relasiona ho formasaun konsultasaun kuríkulu APC nian, durante ne’e hanesan aliserse ida ba instituisaun atu bele haree materia ne’ebé sai aliserse hodi hanorin ka hadia di’ak liutan iha futuru.
“Ohin atu halo diskusaun kona-ba konsultasaun ba kuríkulu no programa ne’e atu tau loloos hodi rai hanoin hamutuk iha konsultasaun ne’e. Objetivu husi konsutasaun hanesan aliserse ida ba instituisaun atu bele haree materia ne’ebé mak sai aliserse, hodi hanorin ba manorin nain sira no ba sira ne’ebé atu aprende. Ita buka halo estandalizasaun ida di’ak no tuir instituisaun nia interese, planu no programa, ita mós presiza halo ekilibra husi materia sira ne’ebé iha fokus ba materia iha instituisaun nia servisu molok halo avaliasaun. Sesaun ne’e ita sei tau hanoin hamutuk sai hanesan aliserse ne’ebé forte ba kuríkulu hodi fortifika liutan ba oin”, Subliña Prezidente APC.
Nia hatutan, durante ne’e halo formasaun ba funsionariu no komunidade sira iha baze. Ohin tau pensamentu hamutuk kona-ba vantajen no dezvantajen ne’ebé durante ne’e sira hasoru iha formasaun refere.
“Ami halo formasaun internal no ami forma ami nia formadór sira hodi bele hala’o atividade iha internal office nian, nomos ba komunidade sira. APC nia diresaun kona-ba sentru formasaun sira ba protesaun sivil durante ne’e halao hela husi diretor sira no ohin atu halo diskusaun kona-ba mundansa ruma no haree vantajen no dezvantajen ne’ebé ami hasoru durante ne’e. Agora ami atu fó hanoin hamutuk atu hadia no promove liutan ba oin atu fortifika nune’e bele la’o diak”, Tenik Prezidente APC Jesuíno Carvalho.
Entretantu, ekipamentu no edifisiu limitasaun tebes ba sira hodi halo formasaun ho diak, tanba ne’e presiza fatin no oinsa sira bele responde ba situasaun emerjensia ruma, sira iha kapasidade no rekursus ne’ebé durante ne’e forma ona atu koresponde ba situasaun no sira presiza mós rekursus no ekipamentus hodi realiza formasaun sira ne’e.
Jornalista : Geraldino Magno
Editor : Média RKDTL
