Dili-27/06/2025-Média Defisensia, Uniaun Estudante Universitariu Munisipiu Ermera (UNEUMER) husu ba Ministro Obras Publiku Estrada Ermera laos normalizasaun mak alternativu maibé tenke halo konstrusaun tuir kompromisiu ne’ebé badinas promete ona.
Tuir Porta Voz Alcinha de Jesus Soares, hatete Ministro Obras Publika tenke konsiste iha desizaun ne’ebé hato’o ona antes ne’e atu halo konstrusaun ba Estrada Gleno to’o Atsabe maibé sedauk realiza tuir kompromisiu ne’ebé hato’o ona ba povu Ermera iha tempu kampaña.
“Ami hakarak husu ba Ministro Obras Publiku Estrada Ermera laos normalizasaun mak alternativu maibé tenke halo konstrusaun tuir kompromisiu ne’ebé imi badinas promete ona. Parte relevantes sira tenke iha seriedade, hodi halo implementasaun tuir saida mak koalia ona ba iha públiku. Ministro Obras Publika favor ida tenke konsisten iha ita bo’ot nia desizaun la’os loron ida koalia ida aban halo fali desizaun ida, ne’e sentidu ita bo’ot prontu ona atu oho ita bo’ot nia povu sira nia esperansa. Ba PAM-E tenki hatene ita bo’ot nia papél hanesan aman ida iha Munisipiu Ermera, nune’e tenki hadomi ita bo’ot nia populasaun sira ne’ebé halerik hela ba ita bo’ot nia seriedade, se la’os ita bo’ot mak atu koalia seriu se mak atu representa tan povu Ermera. Tanba ne’e karik laiha resposta ida ne’ebé seriedade ami sei iha alternativu organiza kolega no kamada sosial sira hotu, hodi exiji nafatin ba interese povu nian”, Dehan Porta Voz iha Jardin 5 de Maio,Dili, 27/06.
Hatutan tan Porta Voz Alcinha, katak komunikadu imprensa ba dinamika desizaun politika nunu governu konstituisional liga kompremisiu nunu governu nian, ba konstrusaun estrada ne’ebé sai ona ajenda prioridade ba iha tinan implementasaun ida-ne’e. Maibé infelismente akontese iha desizaun nunu governu nian, haminis ona esperansa sidadaun maioria Ermera tanba dinamika politika ne’e konkra. fó hanoin mai ita katak nunu governu konstituisional no des-ovidensia ba kompremisiu ne’ebé sira rasik promete ona ba povu Ermera.
“Ita hatene katak Ermera hanesan munisipiu ida ho nia postu administrativu hamutuk ne’en (6) hanesan; Atsabe, Ermera Vila, Hatulia A, Hatulia B, Letefoho no Railaco ne’ebé pertense ba Estadu Republika Demokratika Timor-Leste inklui Munisipiu 12, Iha ne’ebé Munisipiu Ermera dadaun ne’e sofre ba Trauma Tuan ne’ebé Produz hosi Politika IX Governu Konstituisional hodi normaliza de’it kondisaun Estrada, lolo’os ne’e sidadaun hotu-hotu iha munisipiu hakarak asessu estrada ho dignu ba tempu naruk, hodi transporta produtu sira hosi área rural ba kapital munisipiu no nasional. Maibé Estrada iha Munisipiu Ermera la’os ona novidades foun ne’ebé hetan exigensia hosi komunidade no Estudante Ermera oan sira, kada tinan governasaun troka ba malu mai to’o iha ukun nunu Governu konstituisional nia tempu, hetan kompremisiu ida ke bo’ot iha tempu kampaña katak iha ami nia governasaun ami sei tau prioridade ba Estrada no folin kafe iha munisipiu Ermera no Primeiru Ministru ho MOP hamutuk ho PAM Ermera hasoru malu ho komunidade sira iha Nunutali iha loron 8 fulan Fevreiru Tinan 2025. Parte relavante sira halo promete ba populasaun sira katak Estrada Munisipiu Ermera sei halo konstrusaun iha Fulan Marsu nia laran, Prosessu tenderizasaun la’o ona hein de’it ezekusaun no Kompaña sira ne’ebé tuir tenderizasaun mós agora preparadu ona”, Tenik Porta Voz.
Porta Voz akresenta tan, PAM- Ermera rasik dehan hein tan, tanba presisa halo estudu ida ne’ebé di’ak hodi halo implentasaun,iha fulan Maio PAM-Ermera mós akresenta Estrada Munisipiu Ermera presija halo estudu viabilidade ne’ebé klean, tanba ho kondisaun udan. Depois iha loron 29 fulan Maio tinan 2025. Ministro Obras Publiku Sr. Samoel mós halo deklarasaun ida ba povu Ermera dehan katak Estrada Munisipiu Ermera sei hein Osan Emprestimu hosi Banku Mundial Depende ba informasaun ne’ebé maka ita hetan husi ukun nain traidor sira ne’o.
Entretantu, hare’e ba desizaun públiku ne’ebé lideransa releventes sira hola la’os ona alternativu ba resolve kondisaun estrada iha Munisipiu Ermera tan sira habitua ona ho desizaun malahuk sira, hodi habosok nafatin sira nia populasaun. Serius Estrada Munisipiu Ermera la’os ona Lia Santu Atu Ita Hasantu Tan. Tanba prosessu normalizasaun ne’ebé MOP foti la’os planu adekuadu ne’ebé sira prepara, maibé hatan de’it ba preokupasaun hosi Administrador Postu Letefoho nian. Ho presessu ne’e sira ho hanoin ida atu haterus povu sira ho tendensia bele hamosu Rai rahun, udan mai hamosu tahu dodo’ok ikus povu nafatin terus ho sira nia jogu politika nakukun ida-ne’e.
Jornalista : Geraldino Magno
Editor : Média RKDTL
