Dili-15/03/2025-Média Defisiensia, tuir fiskalizasaun ne’ebe husi ekipa Gabinete Avaliasaun Lisensiamentu Akreditasaun hala’o ona, Ministra Edukasaun Dulce de Jesus Soares enkontru ho diretores Nasional sira hodi koalia kona ba kriteria no regulamentu ba Eskola Internasional sira ne’ebe existe iha Timor-Leste.
Ministra ne’e hatete, relasiona ho eskola internasional mosu barak maibe eskola balu seidau priense kriteria no regulamentu ne’ebe ME iha, tanba sei regula liu husi kriteria adisional ruma hodi jere ba asuntu refere.
“Gabinete avaliasaun ba lisensiamentu no akreditasaun Ministeriu Edukasaun nian halo enkontru ida ho dirijente funsionariu Ministeriu Edukasaun nian ne’be mak servisu iha area ida ne’e atu hare fila fali regulamentu sira ne’ebe mak ministeriu edukasaun hasai tiha ona iha tempu hirak liu ba. Halo fila fali ba avaliasaun regulamentu sira ne’e. Tamba agora dadaun ita hare fila fali situasaun iha tereinu katak eskola internasional ne’e mosu barak. Entaun Ministeriu tenke regula. Regula atu halo nusa; ida primeiro ami hare fila fali ami nia regulamentu sira ne’ebe mak iha tiha ona. Depois depois segundu hare ba situasaun tenke tau tan kriteria adesional ruma, kriteria adisional ruma para bele jere situasaun ida ne’e,” dehan Dulce de Jesus Soares iha Salaun JL vila Fatu-hada Dili 25/03.
Nia hatutan liga ho eskola internasional sira ne’ebé hari’i tenki priensie kriteria adisional sira tuir Ministeriu Edukasaun iha,
Aleinde ne’e nia informa moskatak se sira la tuir regulamentu hirak ne’ebé ME iha, maka ME sei deside taka.
“ita iha ona kadernu de enkargus ne’e ba lisensiamentu no akreditasaun ne’ebé ita iha. Por ezemplu ita fó iha regra ida mak hateten nune’e atu loke eskola o tenke iha rai, o tenke lisensa, o tenki labarik ida iha direitu ba metru kuadradu hira ho nia professor sira ne’e kualifikasaun saida, ne’e tenke iha. Ba ida faktu agora Ministeriu Edukasaun, gabineti avaliasaun ba lisensiamentu akreditasaun tun ba halo fizkalizasaun mosu eskola ne’ebe maka temi sira nia an katak sira eskola internasional maibe sira seidauk iha lisensiamentu husi Ministeriu Edukasaun, maibe sira operasionaliza ona iha tereinu. Sira eskola loke tiha ona, estudante sira komesa eskola, ida ne’e mak halo Ministeriu Edukasaun, tinan ida ne’e hare fila fali kona ba existensia husi eskola ne’ebe maka temi sira nia an dehan katak sira eskola internsional maibe faktus sira sidauk iha lisensiamentu sidauk iha akreditasaun i sira la priense kriteria ne’ebe maka iha ita nia kadernu em kargu ne’ebe mak
a iha,” hakotu nia.
Enkuantu tuir fiskalizasaun ne’ebé ekipa Gabinete Avaliasaun ba Lisensiamentu no Akreditasaun ba oras ne’e identifika ona eskola internasional balu seidauk priensie kriteria no regulamentu ne’ebé mak Ministeriu iha.
Jornalista : Eufrosina S. Brás
Editór : Média RKDTL
