Dili-19/11/2025-Média Defisensia, Provedoria Direitus Umanus no Justisa (PDHJ), dejimiña informasaun ba ema ho defisensia ho inkluzivu, ba maluk defisensia sira iha fundasaun AHISAUN. Relasiona ho baze legal PDHJ nian.
Reprezentante Diretora Promosaun PDHJ, Maeni Calado, hatete ojetivu husi dejimiñasaun informasaun ba maluk defisesia sira ho inkluzivu kona-ba papél PDHJ nian liga ba direitus umanus no krimi sira hodi tulun EhD iha futuru.
“Ami atu fahe hanoin balu liga ba papel PDHJ nian hanesa direitus umanus baziku violensia bazeia ba jeneru no trafiku umanu. Ami hatoo obrigadu wain, ba ita boot sira nia prezensa hodi rona materia husi formadór sira. Hau fiar katak husi dezimina informasaun ne’e bele ajuda ita iha futuru”, Dehan Reprezentante Diretora Promosaun PDHJ, iha Salaun AHISAUN, Dili, 18/11.
Iha fatin hanesan Diretora AHISAUN, Ermenciana Alves, abertura ba atividade dejimiña informasaun ne’ebé fasilita husi PDHJ, no husu ba ekipa sira atu bele tau atensaun maximu ba iha formasaun nune’e bele sai bokae ba ita hotu.
“Agradese ba PDHJ eskolla ona fatin ne’e hodi dejimiña informasaun ba ami liuliu lalaok PDHJ nian nomos direitus umanus ba ami. Dala barak ami tun iha baze dala ruma kazu lubuk ida ne’ebé ami hasoru liga ba maluk defisensia sira no maluk feto sira, liuliu mai ami fundasaun AHISAUN. Ami nia organizasaun eziste durante tinan 25 ona, hodi halibur maluk defisensia sira mai iha fatin ne’e hodi aprende no bele halo atividade seluk, hau espera katak liuhusi informasaun ne’ebé ami hetan bele tulun ami hotu” Tenik Diretora AHISAUN.
Entretantu, iha atividade dejimiña informasaun ne’e fasilita husi formador nain 4 sei lori tematiku sira hanesan orador primeiru koalia kona-ba Baze Legal PDHJ nian fasilita husi Maeni Calado, daruak kona-ba Direitus Umanus no Krimi fasilita husi Maria de Jesus. Datoluk koalia kona-ba Trafiku Umanu fasilita husi Isac da Conceicão no Dahaat kona-ba Violensia Bazeia ba Jeneru fasilita husi Jesuinho de Araújo no partisipante ema ho defisensia no la defisensia.
Jornalista : Geraldino Magno
Editor : Média RKDTL
