Dili-18/12/2025-Média Defieisiensia, relasiona ho fundus kiik ne’ebé PHD apoiu liu husi Asosiasaun Defisiensia (ADTL) ba membru organizasaun sira hodi hala’o sira nia atividade, ho nune’e ADTL realiza diskusaun ho membru sira atu identifika susesu no problema hirak ne’ebé hasoru durante tinan ne’e.

Tuir Direur ezekutivu ADTL Cesario da Silva hatete, objetivu husi diskusaun ne’e atu membru organizasaun sira bele fahe ba malu kona ba ezekusaun atividade fundus kiik ne’ebé apoiu ona.

“objetivu bai ha diskusaun ohin ne’e mak membru ADTL sira ne’ebé mak implementa fundu kiik ho organizasaun 11 ne’e ita tama ona fulan ikus ba ezekusaun fundus kiik ne’e, entaun ohin ita bolu hamutuk organizasaun 11 ne’e hodi halo diskusaun hodi halo refleksaun no aprende fahe lisaun ba malu, liu-liu ba ezekusaun ba atividade fundus kiik durante periodu fulan 6 nian, husi agostu too mai iha dezembru, entaun momentu ida ohin ne’e importante los ba diskusaun hodi identifika atinjimentu sira ne’ebé iha, dezafiu sira ne’ebé maki ta iha, aliened identifika ida ne’e ohin mos ekipa sira hamutuk ohin ho aban hodi hakerek relatoriu sira, atinjimentu sira, ba atividade indentifika atividade susesu importante sira ne’ebé mak mai husi membru kada organizasaun atu it abele kontinua fahe partilla ho parseriu dezenvolvimentu sira, no entidade públiku sira saida maki ta halo iha perodu ida ne’e liu-liu atinjimentu sira ne’ebé ita halo ba ema ho defisiensia sira,” dehan Cesario ba Média Defisiensia Timor Plaza 17/12.

Nia hatutan, husu membru sira atu iha responsabilidade ba ezekusaun fundus kiik ne’ebé apoiu atu Governu Australia bele kontinua apoiu bai ha planu atividade membru organizasaun Defisiensia sira nian iha 2026.

“sim, apoiu ida ne’e ita sei kontinuasaun apoiu ba membru sira tanba relasaun ho ADTL nia papel atu hakbi’it nia organizasaun membru sira, laos de’it ho fundus maibé ho informasaun sira ne’ebé mak iha, maibé ba iha fundus ki’ik ne’ebé maki ta iha ita asegura ita kordena atu kontinua apoiu sira ne’e, so atu kontinua apoiu sira ne’e nia xave ne’e mai husi ADTL ho nia membru sira, liu-liu nia membru sira iha responsabilidade ba iha ezekuta ezekusaun sira ho di’ak ho planeamentu sira ba nia ema ho defisiensia sira iha baze entaun konfiansa ida ne’e sei metin nafatin, entaun ne’e sei halo nafatin ita nia esperansa ba governu Australia ne’ebé mak apoiu ba ADTL hodi tulun nia membru sir abele kontinua ba oin,” hakotu nia.

Enkuantu atividade diskusaun ne’e hala’o durante loron 3, no membru ne’ebé asesu  ba fundus refere hamutuk 11, no apoiu ne’e hahú husi fulan agostu too mai Dezembru tinan ida ne’e.

Jornalista                   : Alex

Editor                         : Média Defisiensia