Díli-21/01/2026 -Média Defisiénsia, Tersa ne’e Sekretáriu Estadu Protesaun Sivil vizita armajen movel Kampu Baru, ne’ebe rai fós hodi apoiu ba famlia dezastre sira iha munisipiu
Iha vizita supreza ne’e Domingos Mariano Reis dehan, semana oin Autoridade Protesaun Sivil sei koloka fós tonelada 10 kompleta ho pakote laos aihan ba RAEOA.
“Ita iha armajen permanente rua, ida iha viqueque, ida iha Covalima no mos ita iha armajen ne’ebe maka deskarega ba munisipiu sira inklui RAEOA sira iha armajem ki’ik sira ne’ebe ho kapasidade ita bele deskarega por volta 250 pakotes, ne’e ita sempre halo hanesan ne’e , ne’ebe pedidu husi munisipiu sira nia stock out laiha ona, entaun se’i halo karta pedidu ita aprova depois deskarega ba munisipiu” Dehan Sekretariu estadu Protesaun Sivil ne’e iha Vizita Armajen Movel Kampu Baru Dili Tersa ne’e 20/01/2026.
Semana ida ne’e se’i deskarega ba RAEOA fós pur-volta tonelada 10 ho nia pakote la’os aihan mos bikan, kanuru , taxu, sanan nst. inklui mos biti sira ba iha RAEOA, kordena ona atu apoiu ba RAEOA iha tempu badak, ne’ebe ba semana ida ne’e se laloran lamakas ita deskarega ona sasan tula ba RAEOA, inklui mos munisipiu sira ne’ebe hato’o ona pedidu mai iha nasionál, pakote laos aihan, nesesidades emerjensia ne’e foti kedas.
Fós iha ne’e rihun sanulu- resin tolu (13.000 ) ida laos aihan ne’e maka prepara hela iha loja, bainhira pedidu to’o mai ita aprova Diretor halo pedidu ba iha loja foti tuir notas, depois ba halo pagamentu bazeia ba negosiu.
iha ne’eba vítima ki’ik mas ita sempre asegura hodi prevene tanba ne’e ho distansia do’ok entaun ita deskarega liu husi sira nia presiza, karik ita deskerega dala ida ne’e ita responde ba familia atus ne’en, atus-ne’en ida, ne’e ita evita tanba keta halo sira sofre tia maka ita semana ida foin lori, maibe fo hatete deit katak dentru de 24 horas sedu ou terde, tarde liu ne’e dentru 24 horas ita responde ba”. SE. APC ne’e hakotu ba Jornalista.
Tuir dadus, iha Armajen movel Kampu baru Dili total fós hamutuk saka rihun Sanulu Resin Tolu (13.000) ne’ebe oferese husi parseru Organizasaun Aihan Mundiál hodi tulun ba komunidade afetadu sira no Aihan hirak ne’e apoiu husi duador organizasaun Aihan Mundiál iha Tinan 2024 ne’e.
Jornalista : @CY
Editor : RKDTL
