Dili- 29/01/2026-Média Defisiensia, UNPAZ realiza komunikadu Imprensa hodi ejije Tribunal deklara Konstituisionalidade ba Revogasaun Lei Pensaun Mensal Vitalisia, tanba Revogasaun Lei refere promulga ona husi xefe estadu RDTL liu husi lei no.7/2025, 29 fulan setembru, maibe besik fulan haat ona tribunal seidauk fo resposta.
Pozisaun estudante UNPAZ kontinua hamutuk ho kamada sosial sira inklui EUTL sei nafatin mobiliza malu ho asaun manifetasaun iha batailla, bainhira tribunal hoban demais revogasaun lei pensaun mensal vitalisia no lakoi deklara konstituisionalidade hodi benefisia povu hotu ne’ebe sofre hela ba situasaun oi-oin, maibe lei ne’e reflete deit ba grupu minoria elit sira.
“Universidade mantein ho posizaun inisiu katak lei pensaun mensal vitalisia la reflete no nuka refleta ba povu maubere nia moris, objetivamente hatudu karak iha sorin ida povu maioria iha liña pobreza, mal nutisaun multidimensional dezempregu, saude kolapsu ka grave liu iha tinan tolu ikus, edukasaun la garante kualidade agrikiltura hakdasak, bee mos indiconsionalvel, estrada iha munispiu to’o area remotas sira kontinua grave, salariu minimu traballador la hakbit ba sira nia moris no problema estrutural sira seluk tan, maibe lei refere refleta deit ba elit minoria nia vida, sira mak moris lusiozu koza iha klima independensia ida nee liu husi pensaun refre no direitu legaria sira seluk” dehan portavoz Domingas da Silva Pinto iha Komunikadu imprensa ne’e (29/01/2026).
Dadaun ne’e revogasaun lei refere iha ona tribunal maibe tribunal kontinu la fo resposta ruma, inkonstituisional ka kostituisional.
Olegario Pereira L.Marcal nia parte husu tribunal deklara ona ba públiku konstitusionalidade.
“Pozisaun Universidade da Paz ninian karik tribunal ulun to’os no hoban demais lei refere mak UNPAZ prontu hamutuk ho kamada sosial EUTL, enjeral povu maubere tomak para tun fali iha batailla hanesan tinan kotuk”, dehan ba jornalist sira iha komunikadu imprensa ne’e.
Lei Pensaun Mensal Vitalisia antes ne’e EUTL hala’o ona manifestasaun hasoru Parlamentu Nasionál hodi revoga lei refere, no revogasaun lei promulga ona husi xefe estadu liu husi lei no.7/2025, 29 fulan setembru tinan kotuk (2025), maibe iha loron 24 fulan outubru tinan 2025, eis titular sira hatama pedidu fiskalizasaun abstrata susetiva ba tribunal liu husi PDHJ ho opsaun inkonstituisionalidade no konstituisionalidade maibé dadaun ne’e Tribunál kontinua la fó deklaran ruma ba revogasaun lei refere.
Jornalista : @cy
Editor : RKDTL
