Dili-03/03/2026-Média Defisinsia, Provedoria dos Direitus Humanos no Justisa (PDHJ) lamenta asaun Sekretariu Estadu Asuntu Toponomia Organizasaun Urbana (SEATOU) tanba la iha planu integradu ordenamentu sidade Dili nian ne’ebé klaru atu la bele fo impaktu ba Vítima Afetadu sira.

Iha intervista Provedór Direitus Humanos no Justisa Vergilio da Silva Guterres hatete, liga ho alargamentu estrada ne’ebé iha Dili laran maka husu Governu tenki halo diálogu ho komunidade sira atu  nune’e dezenvolvimentu ne’e bele la’o ho di’ak, no Governu tenki iha planu Ordenamentu sidade Dili nian.

“Primeriru kona-ba prosesu Dezenvolvementu iha sidade Dili laran, providór nia pozisaun uluk sai tia ona, agora kontinua la iha ema ida mak kontra planu Dezenvolvementu, maibé husu Governo atu loke espasu ba diálogu ho komunidade sira ne’ebé mak sei iha prosesu, Dezenvolvimentu ne’e afeita sira nia uma, afeita sira nia rai, ne’e governo tenke loke espasu halo diálogu ho komunidade, ne’e prokurador nia pozisaun, buat ne’ebé mak ami ezizi bebeik mak governo tenké aprezenta  planu ordenamentu sidade Dili nian ne’e hanusa, iha implikasaun saida, tanba rona tesi hali hun bo’ot sira ne’e hanusa iha lisensamentu ambientál ka lae, tanbá planu laiha ita lahatene, hali sira ne’e tun hotu, lalisensa ambiental tanbá balu dehan lahuk ona ne’ebé iha planu ruma hodi justifika, agora relasiona protesta sira ne’ebé mak envolve ha’u ladehan,  Militar ka Polisia sidadaun balu hanesan Polisia Militar,” Dehan Provedór Vergilio iha MACLN, 03/03.

Enkuantu lia hirak ne’e hato’o hafoin remata serimonia selebrasaun Loron Veterano nian ba dala 9 iha Ministeriu Asuntu Kombatente Libertasaun Nasionál MACLN (sigla Portugés) Suku Comoro Postu Administrativu Dom Aleixo Munisipiu Dili.

Jornalista  : Anselmo & Alex

Editor         : Média Defisiensia