Dili-08/03/2026-Media defisiénsia, Ministra Edukasaun Dulcia de Jesus Soares hateten, manorin no dirijente sira ne’ebé hanorin no derije iha eskola ensinu báziku sira hetan ona formasaun espesial hanesan lideransa feto husi governu Australia liu husi programa PHD tanba ne’e durante vzita iha eskola sira ne’ebé lidera husi dirijente feto kuaze organizadu no komprende sira nia papél.

“Hau ohin kuandu ko’alia ho sira, sira kapaz tebe-tebes tanba sira komprende tebes sira nia papél hanesan profesora oinsá mak sira jere sira nia sala de aula, no avaliasaun, no oinsá mak sira organiza eskola sira ne’e enjeral, maioria tuir hau nia observasaun iha hau nia vizita barak ona ba eskola sira, eskola ne’ebé mak liderada husi feto ida, normalmente nia eskola ne’e organizadu liu kompara ho eskola sira ne’ebé mak la’os feto ida mak kaer, se karik nia laos kordenadora ka diretora eskola mezmu ke nia sai profesora iha sala de aula ne’e, sai profesora da turma, ita kuandu ba iha 16 komponentes ne’ebé mak tuir kuríkulum ensinu báziku nian katak, tenki implementa iha sala de aula, iha sala de aula ne’ebé mak feto sira mak kaer komponentes sira ne’e pelomenus dalaruma laos 16 komponentes ne’e hotu kedas, maibé sira implementa duni”, ministra ne’e dehan iha intervista hafoin selebra konferensia nasionál entre feto potensial sira ne’ebé hala’o funsaun nu’udar manorin no dirijente hodi komemora loron internasionál feto iha Suai Room sabadu ne’e 07/03.

Enkuantu Ministra ne’e mos informa, Tuir informasaun ne’ebé asesa antes ne’e, feto asumi kargu iha ME ne’e 7% to’o iha 2023, maibé iha tinan rua nia laran konsege hasa’e ba 21%, no nia esperansa katak sei iha feto barak mak sei asumi kargu hanesan korderandora ba eskola Edukasaun pre-eskolar sira, no numeru persentajen bele sai to’o 25-26%, tuir alvu ne’ebé mak feto atu tur iha pozisaun atu kaer pozisaun sira to’o 30%,  no antes fim de 2028 bele atinji persentanjen no bele liu tan.

Jornalista: Acy

Editor        : Média Defisiensia