Dili- 10/03/2026- Média Defisiensia, Ministeriu Solidaridade Sosial no Inklusaun fo pose ba kargu Xefia sira husi Munisipiu 12 inklui Raeoa.
Serimonia fo Pose ne’e realiza iha salun MSSI Caicoli ba funsionariu sira hamutuk 156 ne’ebe kompostu husi munisipiu 12 inklui Raeoa.
Iha serimonia ne’e, Ministra Soliedaridade Sosial no Inglusaun Veronica Das Dores hatete, hanesan governante servisu imparsiál hodi garante ba interse komún no responsalibildade hodi servi povu.
“Ministeriu la iha inimigu no la iha aliadu maibé hanesan funsionariu públiku prinsipiu no depende, tanba ne’e labele tau interese pesoal, maibe interese ba ema hotu nia moris, Ami nia kargu xefia husi MSSI husi Nasionál ba too iha Munisípiu no Postu Administrativu hamutuk nain 156 pessoas xefia hotu, ne’ebé ohin simu pose oinsá servisu ho responsabilidade ho fuan no laran atu servi povu”, ministra ne’e dehan iha diskursu fo pose ba kargu xefia sira iha slaun MSSI Caicoli tersa ne’e, 10/03.
Feto Potensiál ne’ebé Lidera MSSI ne’e kontinua haktuir, serimonia fo pose ne’e bazea ba avaliasaun kada tinan sempre iha mundansa tanba la iha responsabilidade.
“Tomade de pose ne’e MSSI halo por anu, tanba avaliasaun ba sira kargu xefia ladun iha responsabilidade tenke muda sira, i kada tinan MSSI fo naran foun ba Komisaun Funsaun Publiku (KFP), atu bele reanunsia fila fali kargu xefia balun kontinua hasai i balun halo mudansa” dehan Ministra ne’e
Nune’e nia salienta liu tan, nu’udar minstra ne’ebé durante hala’o kna’ar iha MSSI tenki obdese a’an ba responsabilidade, tanba laos fasil
“servisu iha MSSI laos fasil, maibé servisu ho pasiensia presiza sakrifika, obdesia nasionalismu ho patriotismu, sente rai ne’e povu nian se hanoin hanesan servisu la’o diak,
Tanba nee imi tenke servisu ho espiritu fuan ho laran fuan no sente ida nee hau nia maluk, familia ida nee halo, tanba keta halo kargu xefia aseitasaun neebe ohin asina katak imi jura ba Maromak jura ba imi nia rain atus ba atus jura mos ba ema moris nee iha imi nia kabas.
husu kargu xefia husi diretor ba too iha munisipal sira labele hare ba partidu labele hare ras no kor, maibe servisu nee ba ema hotu hanesan, nomos husu ba sira atu servisu ho disiplina komitmentu komportamentu nomos indepedente servisu neebe laiha presaun husi nasionnal no se, maibe fiar lina koordenasaun entre ministeriu sira seluk no respeitu lideransa sira xefi suku, xefi aldeia no joven sira tama koordena koalia ho sira lalika hatudu liman, maibe lina koordenasaun atu nunee servisu lao ho diak”.
fatin hanesan Komisaria Komisaun Funsaun Publika, Anita Tavares Oliveira de Jesus hatete, tomada de pose ne’e hanesan tradisaun ida ne’ebe adminitrasaun publika sira reprezenta.
“asiste serimonia komprimisiu husi funsionariu sira neebe hetan fiar atu asume kargu diresaun institute ninian neebe MSSI kompleta ninia estrutura, hodi formaliza ofiasialmente liu husi serimonia tomade pose, tomada pose hanesan tradisaun ida ba administrasaun públika ne’ebe reprezenta situs rua, ida inisiu veiklu legal ida nee elementus instituisaun savi funsionariu idak-idak okupa karu diresaun no xefia neebe mak responde ho direita guia no responsabilidade sira neebe lei hatur ba, rua aseitasaun husi pessoal idak-idak ba funsaun ofisial estadu nian, atu sai servidor povu ba estadu tuir lei no servi halao knaar intere estadu nian”, Tenki nia.
Totál funsionariu ne’ebé simu pose hamutuk 156 kompopstu husi Munisípiu 12 inklui Raeoa.
Jornalista : Anselmo &Yubal
Editor : Média Defisiensia
