Dili-19/03/2026-Média Defisiensia, Provedoria Direitus Umanus no Justisa, PDHJ hamutuk Ho parseru halao Dialogu ho organizasaun sosiedade sivil sira Iha Orchid Room timor Plaza Dili.
Provedor PDHJ Virgilio Guterres hatete, Liu Husi Dialogu ne’e atu fahe hanoin kona ba prosesu prevensaun tortura no ratifikasaun protokolu fakultativu ba konvensaun kontra tortura oinsa ho nia prosesu no mekanizmu hodi enkoraja no rekomenda parlamentu nasional ratifika konvensaun refere.
“Dialogu ida ne’e ho parseiru sira kona ba asuntu inportante ida mak prosesu ratifikasaun protokolu obsional kontra tortura ninian, hanesan maluk sira hatene katak ita Timor-Leste ratifika tia ona konvesaun nasoens unidas nian kontra tortura iha 2025, elementu inportante ida mak ita seidauk ratifika, ita kompromete 2025 atu asina ne’e maka, protokolu fakultaivu, ba obsional protocol kontra tortura ida ne’e”, Dehan Virgilio Guterres “Lamukan” hafoin remata sesaun dader dialogu prevensaun tortura no ratifikasaun protokolu fakultativu ba konvensaun kontra tortura iha Orchid Room Timor Plaza Dili kuarta ne’e, 19/03.
Antes ne’e mos PDHJ enkamina ona rekomentdaun nota konseitus ba parlamentu nasional hanesan razaun ida ba parlamentu atu bele ratifika protokolu fakultativu ba konvensaun kontra tortura.
Komisaun A parlamentu nasional Vise Prezidente António Verdial Hateten, parlamentu nasional nebe reprezenta povu sempre iha ba PDHJ bainhira submete dokumentu sira kona ba protokolu fakultativu ba konvensaun kontra tortura.
“Hau hatete katak kuotidianamente parlamentu ne’e hanesan reprezentante povu, orgaun lejislativa ne’ebé saida de’it mak PDHJ hakarak parlamentu sempre iha ba PDHJ, signifika katak dokumentu saida deit mak PDHJ hamutuk ho Sosiedade Sivil atu haruka mai parlametu, parlametu sei hare’e ho didiak atu nune’e iha tempu ba badak bele ratifika dokumentu refere”, Vise Prezidende Komisaun A Parlamentu Nasional António Verdia dehan iha intervista ba Jornalista sira.
Vise prezidente Komisaun A parlamentu Nasional kontia haktuir, Komisaun A iha atensaun masima no sempre iha ba povu Timor-Leste.
Jornalista : ACY
Editor : Média Defisiénsia
