Dili 19/03/2026 Media Defisiensia, Relasiona polémika rekrutamentu kadete foun PNTL 2025 ne’ebe dadaun ne’e sai kontestasaun publiku no manifestasuan husi Kandidatu ba Kadetes foun Polísia Nasionál Timor-Leste ( sigla PNTL) hodi husu Ministériu Interiór atu Anula totalmente Prosesu Rekrutamentu ne’ebé deskonfia mosu sistema nepotizmu no prátika familiarizmu iha Lista Aprovadu husi Komisaun Rekrutamentu nian.
Primeiru-Ministru Kay Rala Xanana Gusmão hafoin remata enkontru semanal ho Prezidente RDTL Jose Ramos Hota iha palasiiu PR kinta ne’e ba jornalista sira haktuir katak hetan rekomedasaun husi Ekipa Komisaun Foun atu Arkiva lista tuan no Loke rekrutamentu foun hodi garante tranparansia no Justu.
“Hau mos Imforma ba Prezidente Repúblika katak horseik ka horbairuak imi kala rona hatene, iha manifestasuan fali ona kona ba prosesu rekrutamentu, ne’ebé ami horseik informa tia ona ba ita bo’ot sira katak ami bolu husi Australia, husi Portugal homos partisipasaun sosiedade sivil ninian sira hare’e didiak fali prosesu tomak rekrutamentu ne’ebé provoka kontestasaun barak ne’e mak ami hare’e didiak rekomendasaun polisia husi Austrália no Portugál (Ekipa Komisaun) sira dehan katak diak liu loke fila fali, buat ida uluk ne’e ita arkiva tia loke fila-fali” PM Xanana dehan ba Jornalista sira iha palasiu Prezidente kinta ne’e, 19/03.
Xanana mos akresenta, ministeriu intrior sei esklarese faze tolu iha prosesu regrutamentu foun hodi tuir prosesu normal nune’e garante transparansia no justu “se mak lakon sai hodi buai hotu-hotu bele transparente no justu”, PM Kay Rala Xanana Gusmão afirma ba jornalsta sira iha Palasiu Prezidente kinta ne’e, 19/03/2026.
Jornalista : Acy
Editor : Media Defisiensia
