Dili-10/04/2026-Média Difisiénsia, Xanana hateten, Konsellu Ministru hasai ona rezolusaun hodi la permite atu hari’i munisipiu foun maibe buka atu oinsa preparasaun ba eleisaun prezidensial no poder lokál.
Xanana atualiza ba publiku liu husi jornalista sira kona ba rezolusaun ne’ebe aprezenta, hafoin halo analiza ba proposta ne’ebe aprezenta husi MAE iha Konsellu Ministru semana hirak liu ba aprova hodi la permite hari’i munisipiu foun maibe prepara a’an ba Poder Lokál.
“Ohin ha’u informa ba prezendente nune’e mos horseik ami aprova rensolusaun ida husi MAE tanba 2027, eleisoes Prezidensiais nomos bele iha eleleisoes munisipais, tendesia agora iha timor la’os iha fatin hot-hotu maibé iha fatin barak postu ida hakarak sai postu rua suku ida hakarak sai suku tolu bele sai aldeia ida hakarak sai aldeia 5 ami halo oinsa minimu uma ida halo sanulu nune’e la kle’ur ema sobu hotu ne’ebe iha problema iha buat sira ne’e hotu ho ida ne’e tamba husi ESTAE tenki prepara dadus tenki halo di’ak lae ita ba tia prepara hotu tiha sai fali suku rua aldeia barak, ne’e duni horseik sai rezolusaun husi governo atu la preminite tan pedidu atu harii postu foun suku foun ho aldeia foun tanba ne’e tenki prepara-an”, dehan PM Xanana iha palasiu prezidensial hafoin remata enkontru semanal ho prezidente horta kinta ne’e, 09/04.
Maibé iha munisipiu balun infrastrutura bazika sei nafatin sai problema ba komunidade iha baze, liu husi viajen Prezidente kontinua bolu atensaun ba Prezidente Autoridade Munisipal sira atu bele prepara ba dezentraliza poder lokál.
“ iha kada Munisípiu la hanesan Munisípiu sira seluk Munisípiu falta bu’at barak, falta fixa familiar la iha, la iha kontrolu populsasun, buat sira ne’e hotu hanesan preparasaun ida, kuandu kontrola di’ak ona ita dependensia, prezidente ba kailaku hare’e iha PNDS sira halo Estrada sorin de’it sorin, sorin seidauk, husu tanba sa seidauk selu, hauestabilisaun seidauk selu ha’u lembra ba MAE hodi hakilar uitoan ba PAM bobonaru tanba sa mak seidauk selu, se imi halo hanesan ne’e nafatin, imi seidauk halo preparadu ba Governu Lokál,” Xanana Hakotu ba Jornalista Sira Iha Palasiu Prezidensial Kinta ne’e.
PM Xanana mos informa ona ba prezidente kona ba presu kombustivel ne’ebe dau-daun ne’e folin sae iha mundu tanba kauza husi funu entre Iraun-Israel ho Amerika, nune’e liu husi reuniaun konsellu ministru aprova ona rezolusaun hodi antisipa situasaun sira ne’ebe akontese iha rai laran liu-liu problema bo’ot ne’ebé akontese iha Mediu Oriente.
Jornalista : ACy/Adelaide
Editor : Media Defisiensia
