Dili-14/04/2026-Media Defisiensia, Ekipa g7+ halo audensia ho Prezidente Republika Jose Ramos Horta hodi atualiza kona ba situasaun sira ne’ebe akontese iha nivel mundial liliu paízes sira ne’ebe afeta direta ba estadu membru g7+ hakna’ar ba.
Secretariu Jerál g7+ Helder da Costa hateten atualiza ba prezidente kona ba impase politika sira ne’ebe akontese.
“Prezidente simu atualizasaun kona-ba dezafiu instituisional no tranzisaun politika sira iha illa Salomon hamutuk ho knaar estratejiku Republika Demokratika Kongu no Liberia nian nu’udar Vice Prezidente sira husi grupu ne’e, Nasaun sira ne’ebe agora serve nu’udar membru la’os permanente iha konsellu Seguransa ONU komprometidu atu aplika lian kolektivu husi estadu sira ne’ebe Brazil no afetadu husi konflitu iha mundu rai klaran”, dehan Secretariu Jeral g7+ Helder da Costa iha Palasiu hafoin halo audensia ho Prezidente “Horta”.
Nia dehan iha dialogu hodi fo sai konflitu sira ne’ebe akontese iha rejional sira atu bele hetan espresaun ba solidariedade.
“Dialogu ne’e mos fo sai diplomasia pro-ativu Timor -Leste nian iha konflitu rejional sira Inklui espresaun solidaridade foin lalais ne’e ho Emiradu Arabe Unidu kona -ba tensaun sira iha mediu Oriente.Aleinde ne’e,Helder da Costa informa ba Prezidente kona-ba kordenasaun nivel a’as ne’ebe planeadu entre Primeiru Ministru Xanana Gusmao no Prezidente Sera Leoa,ne’ebe hala’o knaar nu’udar Prezidente the Economik Community of West African States(ECOWAS).Esforsu diplomatiku ne’e buka atu hetan solusaun kolaborativu ba situasaun ne’ebe lao hela iha Gine Bissaun,hodi hametin Timor -Leste nia kompromisu atu apoia estabilidade no pas entre nasau parseiru sira Secretariu-Jeral g+,Helder da Costa lokrai ne’e hatete ba Jornalista iha Palacio Prezidensial Aitarak laran,13/04.
Liu husi Audensia ne’e mos atu bele hetan rekomendasaun hodi halo knaar ne’ebe fundamental nomos preparasaun ba konferensia Premiu Nobel ne’ebe atu mai,ne’ebe sei hala’o iha Dili husi loron 25 – 26 fulan agostu, prezidente enfatiza katak g7+ nia espesialidade sei sai vital tebes iha redesaun ba deklarasaun final konferensia nian no hodi forma ninia ajenda ba substansia.
Enkuantu prezidente mos hato’o ninia apoia nafatin ba lideransa mundial ne’ebe forte iha nivel Nasaun Unidas,hodi sublina ninia dedikasaun atu promove kooperasaun internasional no dezenvolvimentu sustentavel ba estadu -membru hotu-hotu.
Jornalista : Anselmo Martins
Editor : Média Defisiensia
