Dili-17/04/2029-Média Defisiénsia, Primeiru Ministru Kayrala Xanana Gusmao Aprezenta ona ba Prezidente Repúblika “Horta” Sentru Konvensaun Dili (Siglá Portugés CCD) foun ne’ebe deside konstrui iha portu Dili hodi halo preparasaun ba ASEAN 2029.
PM Xanana dehan, konsellu ministru hasai ona rezolusaun hodi forma ekipa ministerial hodi akompaña prosesu ba konstrusaun ne’ebe sei lansa fatuk-ain iha fulan Maiu tinan ne’e, nune’e sei halo inagurasaun iha 2028 tuir promesan ne’ebe kompania fo sai ona.
“ha’u informa katak horseik ami hasai rezolusaun ida hodi kria ekipa ministérial ida hodi akompaña prosesu konstrusaun sentru komvensoes (CCD) foun iha portu Díli ba 2029, husi kompañia sira promote katak hakarak 20 maiu ne’e atu lansa primeira pedra, iha tinan rua, 20 maiu 2028 ita inagura”, dehan Xefe Governu hafoin enkontru ho prezidente iha palasiu Prezidensial Kinta ne’e, 15/04.
Nia dehan, tuir plano membru ASEAN sira hamutuk 10 sei mai TL, tanba ne’e garante kompania sira sei servisu makas atu bele finaliza iha 2028 tinan rua mai.
“lalais aranja hela tanba ne’e buat bo’ot no AND kontinua halo servisu kuandu atividade bo’ot hanesan ne’e sei iha mós konsultor ida ne’ebe estranjeiru hatene, akompaña servisu kumpri nia ne’e prepara ba ASEAN 2029
“ne’ebé ita bele kumpri ita nia responsabilidade kona ba ASEAN atu mai ne’e”, Xanana tenik.
Nia esplika tanba ASEAN 11 paízes, maibe 10 paízes mak sei mai, no sei komvida mós husi rai seluk hanesan xefe estadu, xefe governu.
Jornalista : ACy/Adelay
Editor : Média Defisiénsia
