Dili-19/04/2026-media Defisiensia, Primeiru Ministru Kay Rala Xanana Gusmão hateten bee no eletrisidade dada kleur ona tuir akordu ba konstroi otel fitun 5 maibe durante tempu naruk kontinua abandona, tanba ne’e Vise Primeiru Ministru Kalbuadi Lay kontaktu ona nain ba kompainia Pelica Paradise atu hamamuk rai ne’ebe utiliza.

“Tanba ne’e mak horseik mós hasai rezolusaun ida ba Vise Primeiru Ministru Kalbuadi Lay kontaktu ho pelican Paradise atu konkorda malu fo 10 dias sira sai, tanba iha ema seluk hakarak halo Investimentu ne’ebe bele ajuda ita nia preparasaun ba 2029”, PM Xanaxa dehan ba jornalista sira iha palasiu prezidente 15/04.

Nune’e xefe Governu ne’e hatutan, Timor-Leste sei responsabiliza eventu bo’ot ASEAN nian ne’ebe sei akontese iha 2029, simu nasaun 10 inklui konvida xefe estadu no governu husi fatin seluk maibe dau-daun ne’e Kapitál Díli la iha espasu tanba okupa husi povu, nune’e, governu liu husi konsellu ministru hasai rezolusaun, fo últimatu loron 10 atu kompañia Pelican Paradise hamamuk fatin Rai Tasi-Tolu Díli, hodi investor sira seluk bele investe.

Tuir informasaun jornalista asesu katak empreze Pelican paradise hasai deklarasaun katak prosesu ne’e kleur tanba governu mak la komprimente ba iha kontratu hodi dada eletrisidade no bee mos maibe Xanan dehan eletrisidade, bee dada kleur tia ona nia husu $100 miloens hanesan garatia.

“haiii! o riku ne’e o husu fali $100 miloens nudar garantia, ne’ebe agora kolia fo loron 10 , ne’e laos tinan ida tinan rua, kleur ona nebe ita dehan katak se o bele, o halo,” dehan PM Xanana.

Xanana mos esklarese liu tan, oferse buat hotu, husu be ami tau be, eletrisidade ami fo, nia hakarak tan saida, agora nia husu fali $100 miloens dollars atu tau iha bankun nu’udar garantia.

“haeh, se o iha osan mak o mai, la’os ami fo fali garantia, ne’ebe buat ne’e sei lao fo loron sanulu”, Tenik Xanana.

Governu Timor-Leste tenki liberta rai no la iha substituisaun tanba laos governu mak iveste maibe Pelican Paradise mak hakarak investe, ohin loron abandona , governu deside Pelican Paradise hamamuk fatin atu investor sira seluk bele investe.

Jornalista: AC/ Adelay

Editor: Media Defisiensia