Dili -21/04/2026 -Media Dfisiensia, Governu, liu husi Sekretária Estadu Komunikasaun Sosiál,  sigla Portugés (SECOMS) asina ona kontratu ho radiu komunidade 19 ne’ebé eziste iha Timor-Leste hodi apoiu sira nia servisu informasaun ba komunidade, ho osan montante $7/8 mil dolares.

Sekretária Estadu Komunikasaun Sosiál Expedito Loro Dias Ximenes hatete, Rakom mak besik liu ba iha komunidade tanba ne’e Governu apoiu fundus hodi bele haforsa servisu. Nia informa, Tinan ne’e Rakom 3 sei la hetan apoiu tanba deskonfia problema iha jestaun.

“Ohin sekertaria estadu komunikasaun sosial reprezenta governu asina kontratu ka servisu hamutuk ho radio komunidade ne’ebe iha timor laran tomak ne’ebe ita iha radio kumunidade oras ne’e iha 22 maibe iha tolu ke seidauk, tamba iha problema iotuan iha sira nia jestaun, entaun iha oin ita asina kontratu ho radio komunidade 18 hanesan ne’e, ne’ebe tinan-tinan governu aloka osan ka apoiu ba radio komunidade sira tamba governu sente katak radio komunidade ne’e front line ka lina frente ba informasaun iha komunidade,’’ dehan Sekretariu Estadu Expedito Loro Dias Ximenes iha Palasiu Govervu.

Radiu komunidade 3  Alieu,Covalima no radiu komunidade Comoro la asina kontratu ho governu tinan ne’e tanba problema administrasaun, no orsamentu ne’ebé gastu la tuir item proposta ne’ebé mak mensiona.

“Laos bem suspende ne’ebe sira hanesan bele dehan katak ma administrasaun tamba ma administrasaun governu labele fo osan tamba sira seidauk halo relatoriu ne’ebe los tamba osan estadu nian povu nian bainhira fo ba sira seidauk halo relatorio hanesan ohin hau hateten dalabarak item ne’ebe sira husu atu sosa item adves sira muda fali ba buat seluk ida ne’e mak regra lei la fo dalan, tamba ne’e mak ami agora hanesan tau ketak hela sira nian tolu, ida mak radiu komunidade Aileu no ida mak Radiu komunidade taroman covalima no radiu komunidade comoro, tan tolu ne’e mak agora sidauk bele maibe iha tempu oin ita bele hadia tia fali governo sei fo fali atensaun ba ida ne’e,” hakotu Nia.

Enkuantu totál orsamentu ne’ebé governu apoiu ba RAKOM sira aloka osan $240,000 mil tinan ne’e hodi haforsa sira nia servisu, maibé ho avaliasaun dezempeñu kada radiu.

Jornalista                   : Yubal & Kiki Lay (Estagiada UNTL)

Editór                         : Média Defisiensia