Dili- 21/04/2026-Media Difisiensia, Liu husi komunikadu imprenza Estudante Universitáriu Timor-Leste kontinua alerta ba públiku katak Provedoria Direitus Humanus no Justisa (sigla PDHJ) halo reklama ba Tribunal kona ba revogasaun lei pensaun mensal vitalisia ne’ebé afeta direita benefisiu sira.
Pozisaun EUTL ba PDHJ atu defende direitus umanus no garante bao-governasaun la’os atu defende grupu ida nia bolsu ho osan povu nian, ligadu ho reklamasaun ne’ebe PDHJ rasik reklama ba iha tribunal rekursu husu tribunal deklara umunidade katak akorda ona ba revogasaun lei pensaun vitalisia ne’e la vale laiha efeitu, tanba ne’e EUTL deskonfia PDHJ iha familia benefisiariu ba lei pensaun mensal vitalisia ne’e.

“Husi asaun ne’e EUTL deskunfia katak PDHJ provedoria direitus humanu no justisa Sr. Virgilio, rasik iha familia ruma ne’ebe mak benefisiariu direta ka ativa ba iha lei pensaun mensal vitalisia nian”, hatete iha komunikadu imprensa ne’e.

Portavoz haktuir, karik iha sorin seluk sira halo promesa ba malu ho benefisiariu sira atu selu tanba ne’e mak duni beibeik lei pensaun vitalisia lei ida ne’ebé mak povu hotu-hotu lakoi atu ejiste tan ona, maibe PDHJ nafatin kontinua husu ba tribunal atu deklara imunidade’’, dehan Protavoz Bonifacio.

Protavoz hatutan PDHJ defende direitus umanus maibé la iha justisa tuir kna’ar no papel ne’ebé PDHJ iha tanba osan ne’ebé estadu nian maibé sulin de’it ba ema balun.

“PDHJ ne’ebé mai hodi papél Ida atu defende direitus umanus, rua atu garante voa- Governasaun , agora PDHJ ko’alia kona-ba defende direitus umanus, osan povu nian sulin de’it ba grupu ida rua PDHJ kontinua defende osan sira ne’e sulin de’it ba grupu ida rua nia bolus” Tenik Bonifacio

EUTL husu PDHJ atu defende direitus umanus ho modelu ida oinsá? Tanba povu nia osan sulin deit ba ema grupu balun no la aloka ba setór produtivu sira, hodi benefisia direta ba povu enjeral.

“eskola sira, ospital sira, profesor sira iha problema bar-barak ida ne’e mak ita konsideira katak violasun direitus umanus ne’ebé iha ita nia rai, tuir lolos PDHJ mak tenki defende lei pensaun vitalisia tenki hamate” Haktuir Portavoz.

EUTL kontinua ejije PDHJ atu hatur pozisaun iha papel no kompetensia hodi defende povo maioria hodi labele defende grupu minoria.

Enkuantu iha loron 26 marsu liu ba tribunal hatun ona akordaun, deklara katak renovasaun lei pensaun vitalisia ne’e konstituisional vioala konstituisaun, depois de deklara tia akordaun refere tun iha dia 9 abril rasik liu husi provedor direitus humanus.

Jornalista: Yubal/ Kikilay
Editor: Media Defisiensia