Dili-05/05/2026-Média Defisiensia, Konsellu Imprensa Timor-Leste ( Singla Portuges CITL) hamutuk ho Asosiasaun Jornalista no Jornalista Timoroan sira selebra loron mundiál Liberdade imprensa ba dala 33, liuhusi kari ai-funan iha Palásiu Governu nia oin ba tasi.

Selebrasaun ne’e hanesan omenajen ida ba jornalista sira ne’ebé iha prosesu luta Timor-Leste nia independensia, valoriza jornalista Timoroan no estranjeiru hotu ne’ebé mate tanba luta ba demokrasia no lia los.

prezidende interina konsellu imprenza Suzana Cardoso kongratula jornalista sira tanba, maske lor-loron hasoru dezafius oioin iha tereñu maibé jornalista sira nafatin respeitu profisaun iha públiku kontinua hala’o kna’ar no habelar informasaun los ba públiku.

“ parabens ba maluk jornalista sira, partisipantes media sira hotu, ita iha tempu difisil situasaun iha prosesu nia laran ita bo’ot sira nafatin kontinua habelar an iha mundun jornalizmu no mos iha media nian relasiona ho ita ninia selebrasaun ba loron liberdade imprensa ne’e, hau hanoin mensajen barbarak ne’ebe hau hato’o ona liu-liu ba jornalista sira no ba públiku, ikus liu hau hakarak hateten hanesan ne’e husu ba públiku ninia atensaun, respeitu ba profisaun jornalista sira, liu-liu jornalista ne’ebe lor-loron hasoru fontes, atu nune’e sira nia laran luak bele simu jornalista sira nia prezensa iha sira ninia p’ubliku” dehan Suzana Cardozo (04/05.

Interina ne’e husu ba fontes polítiku nain sira atu laran luak nafatin ba kna’ar jornalista nia hodi habeler lia los kontribui ba demokrasia.

“ida ne’e presiza tenke laran nakloke husu ita nia lider sira nia prezensa ne’eba bele fo kontribuisaun ne’ebe diak ba iha sira nia produtu jornalistiku ba jornalista sira, korajen no etika, ita nafatin iha valor ne’ebe as nune’e ita nia didikasaun ne’e la monu saugati deit”, nia tenik.

Prezidente Interina ne’e dehan liu husi selebrasaun ne’e mos hanesan parte ida hodi halo omenajen ba maktoban Otelio Ote nia mate, selebrasaun loron mundial ne’e monu iha loron domingu maibe tanba feriadu hotu-hotu deskansa, nune’e selebra fali iha 4 fulan maiu ne’e.

Molok ne’e Konselu Iimprensa hamutuk AJTL reprezentante media nain sira, tantu media statal sira mos halo diskusaun iha kanal Tatoli hodi selebra mos loron liberdade imprensa iha tasi ibun igreja Motael nia oin ne’ebe, iha mensazen barak husi partisipantes komunidade media, Asosiasaun Jornalista ho nia membru, inklui Konsellu Imprensa ho nia membru hotu.

Prezidente Asosiasaun Jornalista Timor-Leste Zevonia Vieira hateten kna’ar jornalista iha mundu jornalizmu liu-liu iha Timor-Leste ne’ebe kria obra jornalístiku importante tanba luta ba demokrasia no lia los atu promove liberdade expresaaun iha Timor-Leste, tanba dau-daun ne’e Timor-Leste klasifikasaun nato’on iha global mundu Asiatiku, hatudu progresu servisu makas hodi kontinua promove libertade imprensa, maibe AJTL nia parte Preokupa ho polítika balun ne’ebe tenta limita no sensura total obra jornalista nian la tuir index ne’ebe hatudu.

“ita kontinua luta atu promove ita-nia liberdade expresaaun iha Timor-Leste, tinan ida ne’e ita-nia index relatóriu hatudu katak ita-ninia klasifikasaun sae ba 30 iha global, ita mantein ho klasifikasaun iha Sudeste Asiátiku, ida ne’e hatudu progresu ida mai ita hodi nune’e kontinua promove servisu makas ita kontinua alerta ba públiku ba ema sira ne’ebe iha poder atu labele limite ita-ninia liberdade impreza iha timor tanba media hanesa pilar importante, hanesan demokrátiku tanba ita hatene katak situasaun ne’ebe mak ita hasoru iha tereñu la hanesan index ne’ebe ita hetan, tanba hahu iha ona sensorsheep ka tekdaun news, liu-liu ba média estatal sira, ita hare’e katak ida ne’e iha tentativa ne’ebe mak perigozu fo risku ba oinsa ita nia kobertura ne’ebe mak ko’alia kona ba lia los, tenta atu hasubar ka halakon atu nune’e públiku labele asesu, ida ne’e sai hanesan preokupasaun AJTL nian” Zevonia preokupa.

Partisipa iha serimónia simples kari ai-funan iha palásiu Governu nia oin, Prezidente Interina no Membru Konselho Imprensa, Diretór Ezekutivu no estrutura to’o funsionáriu KITL, Asosiasaun Jornalista Timor Lorosa’e (AJTL), Timor-Leste Press Union (TLPU), Uniaun Profisional Jornalista Timor-Leste, no jornalista sira hotu aumeznu tempu simbolika kari Aifunan ba tasi.

Jornalista: AC/Ykulay
Editor: Media Defisirnsia