Dili-07/05/2026-Media Defisiensia, Reinu Unidu (sigla ingles UK ) sei apoiu Timor-Leste hodi reforsa edukasaun iha programa literasia no numerasia ba kanorin pre-eskolar to’o Primariu inklui apoiu formasaun Reforsa INFORDEPE.

Embaixada Reinu Unidu nian ba ASEAN Peter Rajadiston informa, apoiu Timor-Leste iha setór Edukasaun liliu iha programa Literasia no numerasia maibé programa ne’e sei hahu iha fulan agostu tinan ne’e bainhira remata dezenu programa.

“ohin ne’e ko’alia kona-ba pontu importante liu mak iha setór Edukasaun oinsa atu bele apoiu Ministeriu Edukasaun iha Timor-Leste  liu-liu hare’e ba iha literasia no numerasia hodi apoiu ita-nia estudante sira, sei dezena didiak alina ho prioridade governu Timor Leste nian, sira espera katak bele hahu iha fulan agostu tinan ne’e”, dehan Embaixador UK hafoin remata enkontru ho Ministra Edukasaun Dulcia de Jesus Iha Sala VIP ME Villa Verdi Dili kuarte ne’e, 06/05.

Ministra Edukasaun Dulcia de Jesus hatete, dader ne’e Misaun Reinu Unidus nian ba ASEAN esplika katak sei esplora atu bele ajuda Timor-Leste fokus aprendizajen ba baze husi ensinu baziku to ensinu sekundariu liu-liu ba ensinu baziku, maibe sei diskute hamutuk hodi hare’e apoiu ne’e alina ba progmana ME nian.

“ohin sira hatete tia ona katak depois esplora, sira iha ona proposta, ministeriu edukasaun sei tur hamutuk ho sira atu hare’e apoiu ne’ebe mak sira fo mai ministeriu edukasaun iha alinamentu ho programa ministeriu edukasaun ne’ebe mak prioridade importante, ita tau nafatin literasi baze no numerasia baze atu reforsa estudante sira husi 1˚anu to 6˚ anu atu sira bele iha koinesimentu di’ak tebe-tebes , buat nebe’e sira aprende iha eskola no mos program ne’e bele la’o di’ak”, ME dehan Ba jornalista sira iha Sala VIP vila Verde.

Governante ne’e sublina reinu unidu laos deit apoiu timor leste iha aprendizajen ba kanorin sira maibe fo mos formasaun hodi reforsa INFORDEPE.

“Fapoiu ba ita iha formasaun ba professores reforsa liu tan INFORDEPE, mezmu tinan 2 liu ba apoiu ona ba iha imprendiudarizmu, apoiu ona ho UN ita hala’o ona iha eskola tekniku vokasional lubuk ida iha timor laran”.

Ministra ne’e mos esplika husi programa ne’ebe antes ne’e lao ona iha timor maibe sidauk remata, no kontinua tan ho programa foun ne’ebe mundu preokupa mak literasia no numerasia baze ba kanorin sira iha pre-eskolar inklui ensinu baziku.

Jornalista: AC/Kikilay
Editor: Media Defisiensia