Dili-08/05/2026-Media Defisiensia, Diretor Nasional Infrastrutura no Komunikasaun (DNIK) Ambrosio Amaral Hateten Ministeriu Transporte no Komunikasaun halo ajudikasaun direta ba kompañia Vorakai Unipesoal Limitada hodi instala Estarlink ba sede suku 450 iha teritoriu Timor-Leste ho kontratu 150 kada fulan durante fulan 8, husi inisiu fulan maiu to’o dezembru 2026.

Dadus ne’e fo sai liu husi Diretor Nasional Infrastrutura no Komunikasaun Ambrosio Amaral iha edifisiu MTK kinta ne’e bajornalista sira nia klarifika katak, ajudikasaun direta ne’e bazeia ba proposta kompainia Vorakai nian ne’ebe submete ba MTK iha tinan 2025, husi ne’e parte tékniku MTK nian hamutuk ho kompañia halo teste ba rede internet Estarlink ba sede suku sira hafoin asina kontratu entre Empreza ho MTK.

 “Ita la iha intensaun seluk tanba entermu servisu téniku atu lao ne’e ita tenki halo trial (prosesu) hodi koko tanba sistema ida trasa atu foti dezsizaun ba Vorakai lao ne’e liu husi prosesu teste lubuk ida oinsa sistema ida ne’ebe instala ona ne’e, nia bele lao tuir saida mak ita hakarak, se lao tuir ita bele avansa ho kontratu, wainhira ita asina tia kontratu atu funsiona ka la funsiona ita asina tia ona kontratu ne’ebe ténikamente ne’e liafuan ida trial avansa uluk, la iha objetivu seluk ba ida ne’e”, Ambrosio Amaral klarifika ba jornalista sira iha Edifisiu MTK kinta 07/05/2026.

Ho nune’e kompañia instaladora instala ona estarlink kompleta ho sistema ba sede suku 345 no sei intala tan ba sede suku 105 ne’ebe tuir tarjetu ba sede suku hamutuk 450 iha teritoriu Timor-Leste.

Diretor Nasional Infrastrutura no Komunikasaun (DNIK) Ambrosio Amaral haktuir kona ba projetu instalasaun rede internet Estarlink ne’ebe instala ba sede suku 450 ne’e, MTK sei selu fee $150 bele liu maibe depende ba utilizasaun, no MTK selu ho montante kustu $540.000.00.

Ambrosio Amaral informa Kona ba dezisaun hili kompañia Vorakai tanba razaun finanseira no tékniku ba implementasaun servisu hodi asegura konektividade tanba ne’e governu liu husi MTK halo prosesu intalasaun estarlink ba sede suku sira iha teritoriu Timor-Leste inklui instituisaun estadu nian tuir planu projetu konektividade nasional (sigla inglés NCP) husi etapa dahuluk to agora dada ona fibra ótika ba intituisaun estadu iha loron ikus fulan maiu ne’e pirvolta 900.

“Diresaun infranstrutura komunikasaun MTK mensiona atu asegura konektividade liña enternet ba iha ajénsia estadu hotu iha timor-leste inklui sede suku fila ba ita boot nia pergunta tanba sa mak tenki uza estarlink? Diresaun nasionaL infranstruta no komunikasaun planu iha nia projetu ida bolu (NCP) nasional Conectivity project, projetu primeiru hodi to’o agora etapa da ualu (8) ita dala ona fibra otika ba instituisaun estadu ne’e iha fim de Maiu ne’e, ita sei konekta purvolta 900 ital ba instituisaun públiku iha sede suku balu ita konekta iha kapital ne’e, ita halo teste halo trialmentu servisu hamutuk ho SEKomS, DNIK koko iha suku 4 iha Díli maibé tinan ida ne’e mós DNIK hanoin suku sira iha kapital munisipiu hotu-hotu tenki konekta, maibe ita difikuldade iha orsamentu, tanba ekipamentu lubuk ida ita tenki sosa atu kompleta tenki verba kapital menor maibe mtk la iha verba kapital menor,” dehan nia.

Daudaun ne’e kompainia vorakai instala ona estarlink kompleta ho sistema ba sede suku hamutuk 345 no sei falta suku 105 ne’ebe tuir projetu instalasaun ba suku hamutuk 450 no kada fulan selu fee maibe depende ba utilizasaun , no parte MTK selu kusto ho montante $540.000.00.

Jornalista: AC/Ykulay

Editor: Media Defisiensia