Dili-13/05/2026-Media Defisiensia, Ministériu Obras Públikas selebra kontratu ho kompañia ba projetu eletrifikasaun pakote 51 ba aldeia 141 atu bele fo asesu eletrisidade liu-liu ba komunidade sira ne’ebe mak hela iha area rural.

Ministru obras Públiku Samuel Marsal dehan, dau-daun ne’e asina ona kontratu entre kompainia implementador sira no ba oin sei kontinua asina tan pakote 45 hodi kompleta tuir tarjetu ba aldeia sira ne’ebe seidauk asesu ba liña eletrisidade.

“Ohin ita asina kontratu hamutuk 51 pakotes ba 141 aldeias, tempu tuir mai sei asina maizomenus 45 pakotes tan, ho nune’e ita bele konklui ona ba aldeias hotu-hotu iha teritoriu laran tomak atu bele asesu ona ba ona ba ahi”, dehan Ministru MOP iha Katedral tersa ne’e 12/06/2026.

Mamuel Marçal Promete projetu dada eletrisidade ba povu ne’e sei konklui iha fulan dezembru fim do Anu atu bele fo naroman ba povu hotu iha natal, maibe asina ona 141 no sei kontinua asina tan 45 atu kompleta 186 tuir tarjetu ba aleia sira.

“munisipiu hotu-hotune’ebe mak seidauk iha aldeia balu ne’ebe mak seidauk hetan ahi, ne’e tama iha pakote ida ne’e , aldeia total territoriu tomak hamutuk 186 aldeia mak seidauk iha ohin ita asina ona 141 falta 45 ne’ebe prosesu ne’e tuir mai, maibe sei asina mos iha fulan ida ou rua ne’e nia laran”, nia promete.

Governate ne’e kontinua esklarese sei hadia servisu atu redus eletrisidade mate iha kapital tantu ba monisipiu sira, tanba ahi nia problemas barak problema fundamental liu ida mak ita ida demanda ne’e sa’e , sa’e ba bei-beik sengundu tanba distansia tanba entre sub estasaun ida ba sub estasaun seluk.

Enkuantu Pakote eletrifikasaun 51 ba aldeia 141 sei kobre orsamentu $ 11.3 miloeñs, ho durasaun tempu ne’ebe la hanesan ba liu tinan ida maibe sira nebe ho kontratu durasaun tempu badak sei finalize iha dezembru tinan ne’e 2026.

Jornalista : Yubal/ Adelay
Editor : Media Defisiensia