Dili-09/06/2025-Midia Defisiensia, Autoridade Protesaun Sivil iha loron 02-09 fulan Juñu
tinan 2025 durante semana ida, rejistu familia uma-ka’in hamutuk 3 hetan
estragus husi dezastre naturais ne’ebé akontese iha munisipiu haat (4) iha
semana ne’e.
Xefe Relasaun
Externa no Komunikasaun APC, Nelson de Jesus Orleans afirma,
durante akontesementu dezastre iha munisipiu hitu, APC registu uma latama
kriteria apoiu deit emerjensia uma 3 no numeru uma ne’ebé priense kriteria ka
afetadu hamutuk 1, nune’e APC munisipiu apoiu kedas emerjensia ba vitima sira
ne’ebé hetan dezastre.
“Durante semana ida nia laran iha munisipiu haat
Autoridade Protesaun Sivil, Sekretariu Estadu Protesaun Sivil rejistu xefi
familia uma-ka’in hamutuk 4 hetan estragus husi dezastre naturais, apoiu de’it
emerjensia 3 ne’ebe akontese ba ema afetadu 6 no evakua 2”, Dehan Xefe Relasaun Externa no Komunikasaun APC Kaikoli, 09/06.
Xefe Relasaun
Externa no Komunikasaun APC hatutan, iha munisipiu haat mak APC registu uma estragus
4 hetan estragus husi, anin sobu uma 3, rai halai uma 3 no ema 1 mate hahu dezastre
ne’ebé akontese durante semana ida.
“Munisipiu 4 ne’ebe hetan estragus hanesan
Munisipiu Baucau Postu Baucau Vili, Suku Buruma Aldeia Kas-Mutu
, iha loron 29/05/2025 akontese Elsa Fernandes mout iha bee dalan baukau vila
mate ho idade 56. Municipiu Bobanaro, Postu Balibo, Suku Leolima, aldeia Ftu
Rui iha loron 1/6/2025 akontese anin boot sobu kominudade nia uma 1 vitima
evakua ba familia ne’ebe besik . Munisipiu RAEOA, subrejiaunn Pante makasar,
Suku Cunha, aldeia Manuaben iha loron 30/5/2025, akontese ahi sobu komunidade
nia uma 1 no la tama kategoria, simu deit apoiu emerjensia. Municipiu Viqueque,
Postu Viqueque, Suku Uma Uain Kraik, Aldeia Uhacae, iha loron 1 /6/2026
akontese anin sobu komunidade nia uma ida”, Tenik Xefe Relasaun Externa no Komunikasaun APC
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira iha munisipiu ida-dak apoiu aihan no la’os
aihan, no komandu operasional autoridade protesaun sivil iha munisipiu sira sei kontinua halo
levantamentu dadus ba uma-ka’in ne’ebé hetan estragus makas no uma kain ne’ebé
hetan estragus naton.
Jornalista : Geraldino Magno
Editor : Média RKDTL
