Dili-04/06/2025-Média
Defisiensia, Governu liuhusi Diresaun Geral Terras
Propriedade (DGTP), hamutuk ho Nipa Korea konklui seminariu relasiona ho Web
Database no Uav ba funsionariu, hodi
hasa’e koñesimentu atu kria rasik Database no UAV.
Sekretariu Estadu Terras
Propriedade Jaime Xavier Lopes, fó agradese ba embaixadór Korea ba delegasaun Advisor
of NIPA, hodi fasilita formasaun ba funsionariu terras sira besik tinan ida iha
Timor-Leste atu hasa’e koñesimentu iha área tolu ne’ebé importante ba Terras
Propriedade.
“Ami agradese tebes ba
embaixadór Korea nian bele haruka formandu mai fó formasaun iha área tolu, ami
hanoin ba futuru ita tenke dezenvolve teras propriedade hanesan mós nasaun
seluk ne’ebé ita haree avansadu ona ita mós buka meus oinsa atu dezenvolve
teras ne’e sai di’ak liu hanesan ho nasaun seluk. Tanba ajuda la’os mak ne’e
deit primeiru ajuda tekniku sira bele halo database. Ita prepara hodi halo
tanba husi nasaun Korea mós atu ajuda ita halo uma, no halo sentru ba tera
propriedade ne’ebé iha nasional. Formasaun sira ne’e ita prepara ema sira ne’e
depois ajudu mai husi Korea liuhusi Koika no NIPA ema sira ne’e preparadu ona. Iha
IX governu atu kria governu eletroniku ita hanoin katak terras propriedade presiza
preparadu sistema kadastru, kontratu alargadu kona-ba informasaun sira ne’e ita
kria halo di’ak governu no ajensia balu presiza database kona-ba kontrata
alargadu, rai privadu ita bele hetan ona dadus, maka ita prepara hela funsionariu ba futuru terras nian atu
dezenvolve sistema ne’ebé modernu”, Dehan Sekretariu Estadu Terras iha Salaun
MJ, Kaikoli Dili, 04/06.
Sekretariu Estadu Terras
salienta tan, husu ba Embaixadór labele para de’it iha ne’e, maibé kontinua
servisu hamutuk liuhusi formasaun no área seluk ne’ebé Terras sei presiza
nafatin NIPA nia apoiu. Tanba ne’e husu ba funsionariu sira atu habelar nafatin
saida mak hetan iha formasaun ba maluk sira seluk.
“Husu ba funsionariu
sira ne’ebé hola parte iha formasaun ne’e atu nafatin iha vontade, hodi fahe
tutan ba maluk funsionariu sira iha Terras Propriedade. Ami hakarak dezenvolven
teras propriedade hanesan nasaun seluk.
Iha fatin hanesan Advisor
of NIPA Sehsub Han, esplika trenamentu kuaze
besik tinan ida foka liu ba Web database no UAV oinsá tekniku sira bele sukat mapa
ho drom ne’ebé boot.
“Formasaun hala’o kuaze
besik tinan ida fó formasaun ba funsionariu husi Terras propriedade durante
ne’e sira partisipa ohin apresenta saida mak sira aprende hanesan kria database,
no aprezenta web database ne’ebé iha, oinsa mak kria husi inisiu formasaun sira
aprende kuase programa lubuk ida ikus sira mak kria rasik web foun. Ami garante
husi formasaun ne’e funsionariu sira entende di’ak no komprede oinsa atu kria Web
database rasik”, Tenik Advisor of NIPA.
Entretantu, formasaun refere
kona-ba database no operasaun drom oinsá uza, kontrola, foti imajen no sukat
mapamentu liuhusi drom. Database ita halo kada diresaiun, diresaun informasaun,
diresaun Terras propriedade no arendamentu inklui dadus nian. Formasaun ne’e ba
futuru atu integra database ne’e ho programa ne’ebé iha ona planu.
Jornalista : Geraldino Magno
Editor : Média RKDTL
