Dili-23/05/2025-Média
Defisiensia, Sekretariu Estadu Kooperativa (SEKOOP),
abertura ba assembleia jeral membrus Lanamona ba dala XVII tinan fiskal 2024
nian, ho tema “ Moris Ho Responsabilidade
Garante Sustentabilidade” iha Timor-Leste.
Tuir SEKOOP Eng.
Arsénio Pereira da Silva hatete, apresia ho membru kooperativa sira hotu,
governu nafatin apoiu membru kooperativa sira tanba servisu hamutuk iha
kooperativa Lanamona, kria sentru sira ba iha munisipiu haat. Membru sira bele hala’o
servisu hodi gaiña komunidade barak inklina aan iha kooperativa nune’e bele krese ekonomia familia.
“Governu nia apoiu ba
membrus kooperativa ne’ebé eziste iha ita nia rai-laran, ami mai halo abertura ba enkontru annual ba membru sira nia kada
kooperativa ida-idak hau sempre marka
prezensa tinan-tinan membru Lanamona sempre halo asembleia. Hau hanoin sira iha mudansas boot liuliu sira
nia partisipasaun husi membru sira no sira nia kapital aumenta no sira nia sentru
ba iha munisipiu sira hanesan Ermera, Aileu,
Dili no sira nia pusat iha Maliana, hau hanoin ne’e susesu boot ida. Ami nia
kategoria transferensia publika ba iha tinan 2025 1.8 milões ne’ebé hetan
benefisiariu hamutuk 75 mai husi kooperasaun oin-oin balu husi grupu no balun
kooperativa inklui LANAMONA mós hetan apoiu liuliu ba iha kapasitasaun sira
ne’e hanesan kooperativa ne’ebé avansadu no sira seluk ne’ebé sei grupu
kooperativa oinsa ita bele eleva sira nia organizasaun, produsaun hodi sai
organizasaun kooperativa ne’ebé
dezenvolvimentu iha ita nia rai ho montante ne’e kada benefisiariu nia montante la hanesan balun 10 mil, balun, 5
mil no 3 mil depende ba proposta ne’ebé iha no depende ba ekipa juri no
avaliadór sira ba proposta sira ne’ebé hala’o”, Dehan SEKOOP iha Salaun Manubai
CCLN Comoro Dili, 23/05.
SEKOOP Salienta
tan, SEKOOP hakarak produtu sira ne’e
mai ona husi industria kiik, hodi ba iha durasaun tempu naruk iha nasaun sira
seluk produtu mai ho marka oinoin rasik. Liuhusi kooperativa sira halo rasik hanesan
produs, prosesa no final sira mai ho produtu finais no material prima ba iha
konsumidór sira. Sekoop nafatin enkoraja kooperativa hotu bele hala’o atividade
no rendimentu sira sai fonte, hodi krese ekonomia familia, ita haree membru
LANAMONA ema hamutuk mil i tal membrus ne’e fó ona kontribuisaun ba sira nia kapital
milaun i tal, hodi fó empresta ba membru sira, hodi hala’o atividade ekonomia
seluk hanesan loke keos, hakiak animal no seluk tan.
Iha fatin hanesan
Prezidente Kooperativa LANAMONA, Domingas dos Santos esplika, atividade ne’e
sempre halo kada tinan, tanba estrutura Membrus LANAMONA nia funsaun atu haree
no fasilita formasaun sira ba membru sira. Liuhusi Assembleia jeral kada periodu
hodi hamosu ideia furak husi membru sira ba iha Kooperativa LANAMONA nune’e
bele kontinua buras iha komunidade nia leet.
“Assembleia jeral ami
halo kada tinan tinan tuir dekretu lei governu nian bainhira ami la hala’o
ativu kooperativa tenke taka, tanba na’in ba kooperativa mak membru sira ami
eleitu iha Assembleia atu bele diriji kooperativa maibé ami iha dever boot
tinan tinan ami tenke responsavel ba osan hira mak tama no sai no membru hira
mak tama no sai ami mak responsabiliza liuhusi atividade Assembleia jeral.
Membru kooperativa hamutuk 2600 inklui Ema ho Defisiensia, maibé
sira ne’ebé ativu loloos ne’e hamutuk 1.533 mai husi munisipiu Bobonaro, Dili,
Ermera no Aileu. Munisipiu sira seluk sei hala’o hotu maibé neneik, ami prepara
ona ba iha munisipiu Manatuto no Manufahi,
maibé sedauk forma sentru iha ne’eba
no sukursal iha ne’eba. Tinan ne’e ami konsentrasaun ba formasaun no
sosializasaun atu hetan ami nia mehi
teritoria TL ami sei la’o hotu, hodi halakon nakukun no hamosu naroman”, Tenik
Prezidente LANAMONA.
Entretantu, iha tinan 2019
ami hetan 19 mil apoiu husi SEKOOP ne’e ami halo ba estudu komparativa hau lori
ekipa tomak no estap manejamen, no bainaka sira hodi partisipa formasaun iha
Flores depois halo estudu komparativu iha Atambua no foin lalais ne’e SEKOOP
apoiu tan 10 mill tuir ami nia proposta
hodi sossa ekipamentu, komputador, printer no livru ba membru sira iha
sukursal Dili no Ermera. Tinan ne’e projetu mak produsaun foos hektar 5, maibé ba tinan oin sei halo 50
hektares bele to’o 100 ne’e planu LANAMONA nian sei servisu hamutuk ho CCITL fó
nia tekniku, hodi akompaña ba membru agrikultor sira atu bele halo natar. Durante
ne’e kooperativa LANAMONA fó kreditu ba membru sira kiik liu 200 no boot liu 10
mil tuir nia kriteria, hodi hala’o atividade hakiak karau, fahi, ikan, manu,
halo natar, foremungu, modo no balu sustenta oan sira ba eskola. Kooperativa Lanamona
harii iha 2004 ho grupu feto hamutuk 13 no osan kapital 300 dolar, agora dadaun
Lanamona iha osan 1 miliaun 500 i tal ne’e iha 2024 nian, tuir mai sei relata
fali iha 2025.
Jornalista : Geraldino Magno
Editor : Média RKDTL
