Dili-14/04/2025-Média
Defisiensia, Sekretaria Estadu Igualdade hamutuk ho
Institutu Nasional Estatístika Timor-Leste (INETL), lansa atividade relasiona
ho Desimina Relatoriu Analiza Tematika Jeneru kona-ba igualdade jeneru iha
Timor-Leste.
Sekretaria Estadu
Igualdade, Elvina de Sousa Carvalho hatete, loron ohin importante tebes halo
lansamentu no dezaminasaun kona-ba advokasia ho liñas Ministeriais, hodi bele
halo sira nia papél investe ba iha dadus, nune’e bele halo advokasia ba área
importante ne’ebé eziste iha rai-laran.
“Hau hanoin lansamentu
ohin kona-ba igualdade jeneru estatutus igualdade jeneru iha Timor-Leste, maibé
ami nia servisu mak halo advokasia, iha Edukasaun iha Sosial no kona-ba empregu
nian. Ami sei halo advokasia ho liñas Ministeriais hodi bele halo sira nia papel
investe ba iha dadus sira ne’ebé ohin hau hatudu katak iha menus servisu ka, tenki
hadia asesu ba Edukasaun no saude hodi bele redus mortalidade inan no oan, ami
hamutuk ho parseiru sira halo advokasia, servisu maka’as, uza dadus halo
advokasia, no halo politika, foti desizaun ho loloos hodi bele efisiensia iha
uza orsamentu jeral estadu tenki iha nia rezultadu”, Dehan SEI iha Hotel Timor,
08/04.
Hatutan tan Sekretaria
Igualdade, dadus sira ne’ebé iha laos foun, maibé dadus bazeia ba uma kain tuir
sensus 2022 nian, durante ne’e servisu makas ba rekolla dadus sira ne’e, tanba hetan apoiu mós husi UNFPA, no UN WOMEN
durante servisu.
“La’os dadus ne’ebé
foun maibé ne’e dadus husi sensus 2022, sensus husi uma kain ne’ebé mak halo, hau atu hatete servisu ne’e
hetan mós apoiu husi UNFPA no UN WOMEN
atu hatete dadus importante ne’ebé klean tebes atu bele guia nomós bele dehan fó guia ida ba liñas Ministeriais
sira atu halo sira nia politika, investe orsamentu ba iha liñas Ministeriais
sira, bazeia ba dadus real sira ne’ebé iha dadus ita labele hetan husi ita tuur
imajina hetan dadus, maibé dadus ne’e tenki tun koleta direta liuhusi institutu
exemplu hanesan Instituto Nasional Estatístika Timor-Leste ne’ebé halo kolekta
dadus suku hamutuk, hodi bele sai sensus no bele sai dadus desagregadus ne’ebé
reflete iha sensus uma kain 2022 “,Tenik SEI.
Entretantu, IX Governu
Konstituisional ho parseiru sira servisu hamutuk ho UNFPA no UN WOMEN nafatin
iha koordenasaun ne’ebé diak, atu bele haree ba implementasaun no realizasaun
politika bazeia ba dadus. SEI hala’o
servisu bazeia ba nia politika rasik
iha nasional action plan kontra violensia bazeia ba jeneru hamutuk ho liñas
Ministeriais sira ne’ebé mak relevante, atu bele tau esforsu tomak hodi bele
redus kualker tipu violensia hasoru feto no labarik feto sira, maibé koalia
mane mós iha laran feto ho mane tenki igual. SEI iha politika ne’ebé klaru komprimisu
internasional sira adere ba iha konstrusaun ne’ebé proteje no garante partisipasaun feto no mane asegura
igualdade jeneru servisu hamutuk atu garante sosiedade ne’ebé igual.
Jornalista : Eufrozina Bras
Editor :
Média RKDTL
