MANATUTO-08/04/2025-Média
Defisiensia, Xefe Suku Batara, Postu Administrativu
Laclubar, Munisipiu Manatuto, orgullu ba maluk defisiénsia nasional sira vizita
direta ba maluk defisiénsia sira iha
baze, hodi haree kondisaun no halo asaun
karidade.
Tuir
Xefe Suku Batara Adão Soares, hatete orgullu no agradese ba maluk defisiénsia
sira nasional nia presensa iha baze, tanba durante ne’e sedauk iha maluk
defisiénsia balun husi nasional vizita sira nia maluk defisiensia iha suku no
aldeia.
“Hau
hanoin difisiente nasional mai vizita ami nia suku kona-ba ho asuntu diferente
iha suku laran hau sente orgullu no agradese tebes ba maluk difisiente sira
husi nasional sira mós tau atensaun ba maluk difisiente sira ne’e. Tanba
momentu ne’e sira nia suku ne’e sedauk hetan hanesan difisiente husi nivel
nasional. Tanba difisente husi nasional hanoin katak ema umanu, entaun difisiente
sira husi nasional mós sente hodi apoiu mós ho sira nia difisiente area rural
ne’e”, Dehan Xefe suku Adão iha Sede Suku Batara, 05/04.
Xefe
suku hatutan tan, maluk defisiénsia balun asesu ba subsidiu, maibé ikus sira
labele kontinua hetan, tanba failla iha sira nia dokumentu sira no balun la
asesu ba subsidiu to’o agora, tanba ho distasia do’ok sira labele halo
dokumentu sira ne’ebé presiza hodi hetan subsidiu.
“Balu
asesu tiha ona ba iha subsidiu iha madatu sefe suku uluk nian, sira mantein
nafatin iha hau nia tempo, hau mai ukun iha sede suku komesa tinan ida resin,
hau nia mandatu ne’e hau konsege halo ona difisiente ida. Nia liu ona tanba nia
dokumentu kompletu, entaun nia foti fali formulariu atestadu mediku husi sosial
tanba iha sosial ne’eba tenke bazeia ba ema ne’ebé iha dokumentu kompletu tanba
dokumentu sira ne’ebé la kompletu ami labele halo buat ida. Iha momentu ne’eba
sira bele defisiente hau mós halo sira nian, trata tia ona sira nia dokumentu
RDTL rua hau trata ona, BI ne’e hau labele trata tanba BI iha notariadu ne’e
ema nain mak bele tanba foti imajen ho ema ne’ebé atu halo BI”, Afirma Sefe
Suku Batara.
Iha
fatin hanesan Delegadu Aldeia Baluli, João da S. Soares, akresenta maluk
defisiensia sira nia asesu ba iha fatin públiku, hodi halo tratamentu ba sira
nia dokumentu sira susar tebes, tanba kondisaun estrada la di’ak, transporte no
distansia dook, difikulta maluk defisiénsia sira atu ba trata dokumentu sira.
“Ami
preokupasaun uituan tanba ami nia moris iha aldeia ida ne’e ami preokupa liu
iha Estrada tanba ami nia Estrada ne’e kondisaun la diak, liuhusi Estrada ne’e
mak halo ami nia inan aman sira no maluk difisiénsia sira atu ba iha suku no ba
postu atu halo karta ruma ka dokumentus ruma entaun failla, tanba ami nia estrada
ho kondisaun ne’ebé la di’ak oinsa ami nia maluk defisiénsia sira atu bele ba
halo BI no dokumentu sira seluk ne’e susar tebes”, Dehan Delegadu João.
Husu
ba governu atu tun direta haree maluk defisiénsia sira iha suku no aldeia, tanba durante tinan barak ona sira menus hetan
benefisiu husi governu no kondisaun maluk defisiénsia sira nia uma la di’ak, husu
estadu atu tau matan ba sira. Durante ne’e sira ajuda maluk defisiénsia no
inan faluk tuir sira nia kbiit ne’ebé iha hanesan kontribui kalen tahan ida no ajuda
halo hela sira nia uma hodi tulun maluk defisiénsia sira no inan faluk sira iha
sira nia aldeia rasik. Husu governu atu haree maluk difisiénsia no inan
faluk, tanba dadaun ne’e sira infrenta hela problema hanesan uma ladiak, hariis
fatin laiha no dalan ba ema defisiénsia asesu susar tebes bainhira halo
movimentu ba mai iha uma no ba fatin públiku.
Mensajem
ba komunidade sira katak sefe suku sei prontu tau matan ba maluk defisiente
sira husi nasional hatete ona katak prioridade ne’e ba sira ne’ebe feto sei
servisu hamutuk ho xefi aldeia sira, delgadu no delgada sira atu haree, karik
maluk sira ne’ebé ho kondisaun defisiente ho idade ne’ebé sei bele eskola sefe
suku sei halo liña koordenasaun ho maluk defisiénsia nia inan aman, familia
sira nune’e sira bele hetan oportunidade diak hanesan ho maluk difisiente husi
nasional esplika ona sei simu maluk defisiensia balun hakarak aprende bele ba
hela iha Dili hodi asesu ba edukasaun no formasaun sira iha Nasional.
Jornalista : Geraldino no Eufrozina
Editor :
Média RKDTL
