Dili-04/04/2025-Média
Defisiensia, Ministério Administrasaun Estatál hamutuk
ho Prezidente Autoridade Munisipiu rua Manatuto, Lautem fó tomada posse ba xefe suku
eleitu na’in haat, hodi hala’o sira nia knaar durante sira nia mandatu hahu
2025 to’o 2032 tuir planu no programa ne’ebé sira promesa ona ba komunidade
sira iha aldeia.
Tuir MAE Tomás do Rosário
Cabral, fó parabens ba sefe suku eleitu sira hotu, husu sira atu hala’o servisu tuir
promesa ne’ebé sira hato’o iha simu posse, tanba sira nia papél importante iha
suku hodi organiza administrasaun, implementa programa governu nian no kria paz
iha suku.
“Husu ba sefe suku sira
ne’ebé foin simu posse atu fila fali ba ita boot sira nia suku atu organiza
servisu importante iha suku, organiza amdministrasaun suku, organiza populasaun
iha aldeia rasik, ekipamentu sira seluk ita nia ekipa sira mak aloka maibé sefe
suku sira nia papél importante iha kraik organiza administrasaun, kria paz estabilidade
no ajuda implementa programa governu nian, liuliu PNDS ne’ebé iha ita boot sira
nia fatin no rejistu livru sira ne’ebé tau iha kraik, tenke halo demografia sira
ne’e importante tanba ita iha funsionariu haat iha kraik atu organiza servisu suku
nian”, Dehan Ministru Tomas Cabral iha Salaun MAE Kaikoli, 03/04.
Ministru MAE akresenta
tan, papél sefe suku atu apoiu Postu Administrativu sira no Autoridade Munisipal,
koordensaun ho administrasaun jeral sira, hodi fó asistensia ba sistema sira
ne’ebé durante ne’e sedauk la’o ho di’ak iha suku sira.
Iha fatin hanesan Xefe
suku Eleitu Luis Mendonça husi Suku Lakumesa Postu Laklo Munisipiu Manututo hatete,
responsabilidade no konfiansa ne’ebé komunidade fó durante mandate sei kumpri planu
no programa ne’ebé prioridade atu hala’o iha aldeia mak Estrada, bee moos no
eletrisidade sira ne’ebé komunidade
balun sedauk asesu.
“Hanesan sefe suku eleitu
planu no konfiasa ne’ebé mak komunidade fó simu ho responsabilidade saida mak
sei halo iha hau nia mandate haree liu ba infraestrutura bazika liuliu bai ha
Estrada, bee moos no eletrisidade no liga mos ba asuntu sosiais balun bai nan
faluk, defisiensia sira. Hau nia planu mak haree ba Estrada, bee moos karik
aldeia balun sedauk asesu ba bee moos. Ami sei esforsu hodi responde ba nesesidade
komunidade nian, ba faluk, oan kiiak no defisiensia sira ne’ebé sedauk
asesu ba subsidiu ida ne’e mak knaar sefe suku nian, oinsa atu identifika no
esforsu makas nune’e sira bele hetan sira nia direitu. Durante mandatu sei esforsu tanba ita nia povu kbiit laek sira depozita konfiasa mai ita ne’e bele halo netik
buat di’ak ba sira iha ita nia aldeia rasik”, Tenik Xefe Suku Eleitu Luis.
Entretantu, Ministru
MAE husu sefe suku sira hadia administrasaun no atendimentu ba públiku hodi
kontribui ba prosesu dezenvolvimentu Timor-Leste nian. Iha tomada posse ne’e
partrisipa maximu husi Prezidente Autoridade Munisipiu Rua mak Lautem no
Manatuto inklui Direktor Jeral Ministériu Administrasaun Estatál. Sefe suku
eleitu sira ne’e mai husi Munisipiu Lautem husi suku Baduro, Munispiu
Ermera suku Poetete no Munisipiu
Manatutu, Postu Laclo suku Laku-Mesak no sefe suku Ilheu Postu Mantuto Villa.
Jornalista : Geraldino
Magno
Editor :
Média RKDTL
